Бүген Халыкара Укытучылар көне уңаеннан зур тантана булды. Бәйрәмдә ветеран укытучылар да катнашты. Укучылар чыгышыннан соң бәйрәм чәй табыны артында дәвам итте.

Озак еллардан бирле мәктәптә "Этюд" түгәрәге эшли. Рус теле укытучысы Лилия Әгъзамовна җитәкләгән бу түгәрәк "Пилигрим" газетасы чыгара, бәйрәмнәргә чыгышлар әзерли. Тамашачылар алар чыгышын яратып кабул итәләр. Чыгышлары вакытында алар үзләрен "Сливки" төркеме диеп атыйлар.

1 нче октябрьдән мәктәптә түгәрәк һәм секцияләр үз эшләрен башлап җибәрә. Барысы 8 түгәрәк оешты: спорт секциясе, "Шигъри тәлгәшләр", "Этюд", "Илһам чишмәсе", "Без тарихта эзлебез", "Җырлы балачак", "Мастерилка", "Кызыклы химия". Түгәрәкләргә рәхим итегез!

Тарих укытучысы Садриев Илфат Дәүләтович Парламент дәресе үткәрде.

Бүген тарих укытучысы Садриев И.Д. "Экстремизмга - юк" бердәм республика дәресе кысаларында "Үткән һәм бүгенге көндә террорчылык"  дигән темага ачык дәрес үткәрде.

Бүген 8-9 классларда ата-аналар җыелышы үткәрелә.

11 сентябрьгә чаклы мәктәптә "Игътибар, балалар!" профилактик акциясе бара. Әлеге акция кысаларында тәрбия сәгатьләре, әти-әниләр җыелышлары, төрле конкурслар үткәрелә.

Бүген тантаналы Белем бәйрәме үтте. 1 класска 2 укучы килде. Мәктәбебездәге 58 укучыны яңа уку елының беренче дәресенә чакырып беренче кыңгырау яңгырады. Бәйрәмдә район администрациясеннән Вәлиев Ф.Х., район эчке эшләр бүлегеннән полиция капитаны Мөбәриев К.Р., мәгариф бүлегеннән Галиакберова Д.А., җирле җитәкчеләр катнашты.

Беренче дәрес - һәр класста  "Чисталык дәресе".  Дәресләрдә әйләнә-тирә, табигатебез чисталыгы, күңел пакълыгы һ.б. турында уен-викторина, тренинг, кроссворд, презентация кебек эш төрләре кулланылды.

27 июнь көнне чыгарылыш кичәсе булды. 3 укучы кулларына урта белем турындагы аттестат алды. Укучыларның шатлыгын уртаклашырга укытучылар һәм әти-әниләр килгән иде.