9 нчы февраль көнне мәктәбебездә  “Сингапур структурасы нигезендә рус телле балаларга татар теле һәм әдәбиятыннан интеграль дәресләр тәҗрибәсе” темасы буенча татар теле һәм әдәбияты укытучыларының шәһәркүләм семинары үткәрелде.Семинарга һәр шәһәр мәктәбеннән рус төркемнәрендә эшләүче берәр укытучы чакырылган иде. Килгән кунакларга дәресләр һәм  М.Җәлилгә багышланган  “Башваткыч”  интеллектуаль әдәби-музыкаль чара  күрсәтелде Татар теле һәм әдәбияты укытучысы  Шәйгарданова Л.К. (3а   сыйныфында “Татарстан минем туган ягым” темасына татар теле дәресе), башлангыч сыйныф укытучысы  Хәзипова Л.З. (4б сыйныфында “И.Туктар “Алма” темасына   татар теле дәресе), башлангыч сыйныф, татар теле һәм әдәбияты укытучысы  Уразматова Е.Ш. (3б сыйныфында “Мин авылда яшим” темасына әдәби уку дәресе), татар теле һәм әдәбияты укытучысы  Хәлимуллина И.Ф. (9а сыйныфында “А.Шамов “Госпитальдә”  темасына татар әдәбияты дәресе) үткәргән дәресләр югары бәя алдылар.  Татар теле һәм әдәбияты укытучысы  Сөләйманова Л. Ф. алып барган М.Җәлилгә багышланган “Башваткыч”  интеллектуаль әдәби-музыкаль чарасы да һәркемнең күңеленә хуш килде.  Бу чарада укытучыларыбыз тәҗрибә генә уртаклашып калмады, ә бик күңелле итеп ял да итте. Семинар бик эшлекле һәм уңышлы үтте.  Семинар үткәрүгә көч куйган барлык коллегаларыбызга  рәхмәт әйтәсебез килә.