17 нче март көнне мәктәбебездә “Тамырлар” фонды белән берлектә “Минем шәҗәрәм” дип исемләнгән зур бәйрәм -ике ай дәвамында үткәрелгән мәктәпкүләм эзләнү эшенең йомгаклау тантанасы булды.Бу бәйгедә  мәктәптән 47 укучы катнашты.Укучылар эшенә бәяне мәртәбәле жюри әгъзалары  : “Тамырлар” фонды директоры Туйкин Марат Нур улы, шәҗәрә төзү буенча китаплар авторы Әлфия Фәрит кызы Ямаева ,”Тамырлар” фонды әгъзалары:Татарстан Республикасының атказанган мәдәният хезмәткәре Мәүлетбаева Галиябану  Әхмәтнур кызы,Албин Ринат улы Вәлиев,Петров Вадим Владимир улы бирделәр. Бәйрәмдә шулай ук  Мактама бистәсенең җирле үзидарә башлыгы –Бәдретдинов Рамил  Әкрәм улы да катнашты. ”Минем шәҗәрәм” бәйгесе бистәбезнең күркәм бәйрәме-50 еллыгына багышланды.Бәйгедә укучыларның чыгышы  тыңланды.Һәр звено буенча җиңүчеләр билгеләнде,кыйммәтле бүләкләр бирелде.Гран-прига 10 нчы сыйныф укучысы  Аюгова Яна лаек булды. Әлфия Фәрит кызы Ямаева  үзе аерым әзерләгән бүләген 2  нче сыйныф укучысы Сәлахова Рузалина Илнар кызына тапшырды.Бәйгедә катнашкан һәр укучыга да бүләкләр, сертификатлар бирелде.”Луч” телекомпаниесе бәйрәмнең иң күңелле мизгелләрен төшеререп алды.Бәйрәм һәр катнашучы күңелендә җылы тәэсирләр генә калдырды.