25 февраль көнне Әлмәт шәһәренең "Баланың сәләтен үстерү үзәге 4 нче "Дуслык" балалар бакчасында “ТИСБИ” университеты белән берлектә 2021 ел – Татарстан Республикасында Туган телләр һәм халыклар бердәмлеге елы уңаеннан “Мәктәпкәчә яшьтәге балалар үсешендә дидактик һәм милли уеннарның роле” ZOOM  aша региональ семинар-практикум узды. 
Семинарны өлкән тәрбияче Галләмова Г.М. башлап җибәрде, аннан сүз “ТИСБИ” университетынын өстәмә белем бирү бүлегенең мөдиренә Хәлимова Г.Р. бирелде. Катнашучыларга сәламләү сүзе белән "ТИСБИ" университетынын Әлмәт филиалы директоры, социология фәннәре кандидаты, доцент, ӘМР Иҗтимагый Советы Рәисе, ТР Иҗтимагый палатасы әгъзасы Нәҗметдинова Р.Н. мөрәҗәгать итте.
Ул кыскача Университетнын балалар бакчалары һәм ЮНЕСКО белән берлектә эшләгәннәрен әйтеп китте. Семинарда Казан, Түбән Кама, Яр Чаллы, Түбән Кама, Әлмәт, Лениногорск, Азнакай шәһәрләре, Җәлил, Актүбә, Мактама бистәләре һәм район балалар бакчалары тәрбиячеләре һәм белгечләре катнашты. Анда мәктәпкәчә яшьтәге балаларда үз халкының мәдәни мирасына, туган як табигатенә, туган илгә, туган шәһәренә, гаиләсенә карата рухи-әхлакый мөнәсәбәт формалаштыру, үз милләте белән горурлану, бүтән милләт вәкилләренә карата дустанә мөсәбәт тәрбияләү мәсьәләләре күтәрелде. Чыгышлар, мастер – класслар, татар халкының хәрәкәтле уеннары күрсәтелде.
Семинарда катнашучылар актуаль проблеманы күтәреп чыккан һәм аны чишү алымнарын күрсәткән өчен бакча коллективына рәхмәт белдерделәр.