Халкыбызныӊ мǝшhүр мǝгърифǝтчесе, галим, дин белгече, журналист Ризаддин Фǝхретдин «Бала чакта алынган тǝрбияне соӊыннан бөтен дөнья халкы үзгǝртǝ алмас» дигǝн. Балаларда кечкенǝдǝн ǝдǝплелек, инсафлылык, мǝрхǝмǝтлелек тǝрбиялǝү – ата- аналарныӊ, тǝрбиячелǝрнеӊ аеруча җаваплы hǝм изге бурычы. Тǝрбия – ата-аналарныӊ, тǝрбиячелǝрнеӊ зур осталыгын, тырышлыгын hǝм түземлеген талǝп итǝ торган дǝвамлы эш. Менǝ шуны истǝ тотып ǝти –ǝнилǝр белǝн берлектǝ 14 март көнне 34 нче  «Чебурашка» балалар бакчасында  «Мәктәпкәчә яшьтәге балаларга әхлак тәрбиясе бирү» дигән темага күӊел ачу кичǝсе үтте. Кичǝдǝ балалар ǝти-ǝнилǝр белǝн бергǝ бишек җырларын, мǝкальлǝр, борынгы авыз иҗаты- хадислǝрне искǝ төшерделǝр.

Кичǝнеӊ икенче өлеше чǝй табыны артында узды. Бу чара балаларда туган телебезне, тарихыбызны, халкыбыз мирасын ярату, олы яшьтǝге кешелǝргǝ ихтирам хисе тǝрбиялǝргǝ ярдǝм итǝ дип ышанабыз.