39 нчы «Алтын әтәч» балалар бакчасында, Яр Чаллы шәһәрендә яшәп иҗат итүче, “Күңел” радиосының махсус бүләге “Алтын күбәләк”, Александр Грибоедов исемендәге әдәби премия лауреаты, “Тәрҗемә Олимпы”, һәм “Кояшлы иҗаты” өчен Халыкара бүләкләр иясе шагыйрә Әлфия Маннур кызы Ситдыйкова белән “Серле дөнья” исемле  очрашу кичәсе үтте.

Бәйрәм кичәсен татар теле тәрбиячесе  Романова Елена Николай кызы үткәрде. Балалар Әлфия Ситдыйкованың  сәнгатьле итеп шигырьләрен сөйләделәр, куңелле җырлар җырладылар, оста итеп биеделәр. Шагыйрәгә, балалар алдан әзерләп куйган сорауларын бирделәр.

Бу кичәнең максатлары: шагыйрә Әлфия Ситдыйкова иҗаты белән таныштыру, шагыйрә иҗатына кызыксынучанлык тәрбияләү, шигърият дөньясы аркылы балаларга ана теленә мәхәббәт тәрбияләү.

Әлфия Ситдыйкованың килүен белгәч, бәйрәм кичәсенә  балалар әти әниләре белән берлектә аның шигырләренә рәсемнәр ясадылар. Әлфия апа балаларга истәлеккә “Серле дөнья”, “Лесная универсиада” китапларын бүләк итте. Шулай ук Татарстан язучылары берлеге әгзасы Әхмәтшина Минзифа Хәйретдин кызы, Әлмәт шәһәре мәгариф идарәсенең милли тәрбия эшләр буенча баш белгече Җиһаншина Сирина Мәстут кызы һәм татар теле тәрбиячеләре кунак булды. Бәйрәм ахырында балалар белән кунаклар истәлеккә фотога төштеләр. Бәйрәм бмк күңелле үтте.