Сөмбелә - праздник урожая. Его отмечают в день осеннего равноденствия, когда день и ночь уравниваются. В давние времена, когда урожай был убран, осенняя посевная закончена - люди устраивали этот праздник.

«Сөмбелә» - татарларда көзге көн-төн тигезлеге, яучылык һәм гомер-гомергә уңыш бәйрәме булган. «Нәүрүз бәйрәме» язның башы булса,  «Сөмбелә» көзне түгәрәкләү ае, чөнки бу вакытта урып-җыю эшләре һәм уҗымга сөрү төгәлләнә, ашлык сугылып келәт-амбарларга тутырыла. Бәйрәм табыны камыр ашларына бай була.

Бүген балалар бакчасында да шушы бәйрәм гөрләп үтте. Бәйрәмгә үз муллыгы белән Уңыш бабай, бәйрәм бизәге Сөмбелә килде. Балалар үзләренең тапкырлыкларын, җыр-биюгә осталыкларын күрсәттеләр, шигырьләр сөйләделәр, уйнадылар. Бәйрәм азагында Сөмбеләдән  кышның ничек булуын сорадылар.Чөнки элек-электән Сөмбелә юрауларына бабаларыбыз  колак салганнар. Без дә Сөмбеләне “Юравың юш булсын!” дип озатып калдык. Илебезгә, туган җиребезгә хәерле имин кышлар килсен, өстәлләребез мул, түгәрәк булсын!