Балаларны һәм ата-аналарны кошларны саклау буенча практик эшчәнлеккә җәлеп итү, кошларга карата мәхәббәт тәрбияләү, экологик культура тәрбияләү максаты белән«Алтынчәч» балалар бакчасы Халыкара кошлар көненә багышланган акциядә катнашты. «Халыкара кошлар көне – ел саен 1 апрельдә билгеләп үтелә торган экологик бәйрәм. Безнең балалар бакчасында 29-31 март көннәрендә «безнең канатлы дусларыбыз»дип исемләнгән тематик көннәр узды. Бу көн дәвамында балалар белән кошлар турында әңгәмәләр үткәрелде, әкиятләр һәм хикәяләр укыдылар, кошлар тавышларын тыңладылар, төрле эшләнмәләр ясадылар, кошлар рәсемнәре ясадылар һәм алар артыннан  күзәттеләр. Шөгелләрдә балалар төрле кошларны карадылар, табышмакларга җавап бирделәр, алар турында кечкенә хикәяләр уйлап таптылар, кроссворд чиштеләр, легендалар тыңладылар, безнең як кошлары белән таныштылар. Балалар кошларның кешене тынычландыруы, кәефне һәм йокыны яхшыртуы, кеше организмының гомуми торышына уңай йогынты ясавы турында белделәр.