24 нче майда бакчабызда чираттагы чыгарылыш кичәсе -"Сау бул, бакча!" бәйрәме үткәрелде. Бәйрәмгә әти-әниләр дә чакырылды. Бәйрәм зур әзерлек белән күңелле үтте.

"Җиңү тәрәзәләре" - Бөтенроссиякүләм акциясенә кушылдык.

6 нчы март көнне Югары Әлки балалар бакчасында 8 нче март бәйрәме уңаеннан "Ягез әле, Әниләр!" бәйгесе үткәрелде. Бәйрәмдә 9 бала, 8 Әни катнашты. Иҗади, музыкаль  бәйгеләр, спорт ярышлары Әниләр һәм балалар күңеленә хуш килде. Бәйрәмнән катнашучылар күтәренке күңел белән таралышты.

Бакчабызда 30.01.23-04.02.23 аралыгы спортка багышлана. Шул уңайдан бүген спорт, Россиянең атаклы спортсменнары темалары буенча дәресләр үткәрелде. Дәресләр барышында балалар спорт төрләре, спортсмен булу өчен нинди сыйфатларга ия булырга, кайсы спорт төрләрен күбрәк яратасыз кебек сорауларга җавап бирделәр. Спорт бәйрәменә әзерлек буенча сөйләшү үткәреп, атна ахырына 2 команда арасында зур ярыш үткәреләчәге билгеле булды. 

17 нче декабрьдә Югары Әлки балалар бакчасы җирлегендә "Ел тәрбиячесе" бәйгесенең куст этабы үтте. Югары Әлки, Түбән Әлки, Ташбилге авылларының балалар бакчасы тәрбиячеләре бәйге нигезләмәсе кысаларында көч сынашты. Жюри әгъзалары итеп балалар бакчалары мөдирләре билгеләнеп, алар һәр төр буенча нәтиҗәләрне ясап барды. 

6 нчы декабрь көнне бакчада "Балаларның яшь үзенчәлеге, ата-аналарга киңәшләр" темасы буенча җыелыш үткәрелде. Җыелыш түгәрәк өстәл формасында уздырылды. Ата-аналарга киңәшләр, аларны кызыксындырган сорауларга җаваплар бирелде.

25 нче ноябрь көнне Югары Әлки балалар бакчасында "Кадерле Әнием!" дип аталган бәйрәм үткәрелде. Бәйрәмдә бакчага йөрүче балаларның Әниләре, балалар, бакча хезмәткәрләре катнашты. Балалары ясаган бүләк, балалар башкарган матур җыр-биюләр, шигырьләр әниләр күңеленә һуш килде. Бәйрәмнән һәркем күтәренке күңел белән таралды.

Югары Әлки балалар бакчасы коллективы "Преемственность поколений. Буыннар бәйләнеше өзелмәсен" V Республикакүләм бәйге кысаларында 22 нче ноябрь көнне "Милли бәйрәм -Сабантуй" бәйрәме үткәрде. Бәйрәм барышында төрле милли уеннар, кызыклы  бәйгеләр оештырылды. Балаларда милләтебезгә, милли гореф-гадәтләргә мәхәббәт тәрбияләнде.

Югары Әлки балалар бакчасында 24-28 нче октябрь атналыгы "Алтын КӨЗ!" исеме астында узды. Атна барышында балалар белән көзге табигатькә экскурсияләр, Көз фасылына кагылышлы дәресләр, викториналар, уеннар үткәрелде, җырлар, биюләр өйрәнелде.

Навруз-это один из любимых праздников татар.19 марта Верхне  Алькеевском детском саду провели праздник весны «Навруз». По сценарию были в гостях у бабушки. Бабушка угощала детей блинами. Дети играли разные подвижные игры, танцевали и пели песни о весне. Детям было очень весело и они были очень довольны.