Әтиләребезне, Дәү әтиләребезне бәйрәм белән котларга әзерләнәбез.

20 нче февраль көнне нәниләребез янына авылдашыбыз  - МХО дә катнашучы батыр егетебез Аглиев Ильдарның әнисе Гөлнур апаны кунакка чакырдык. Гөлнур апа балаларга улы турында сөйләп, фотолар күрсәтте. Балалар үзләрен кызыксындырган сорауларны бирделәр. Ильдар абыйларының батырлыгына сокландылар, исән-сау кайтуын теләделәр.  

15 нче февраль - патриот шагыйребез М.Җәлил туган көн. Шул уңайдан аңа багышланган дәресебезгә китапханәче Сираҗева В.Н. кызын да чакырдык. Ул укыган шигырьләрне  тыңладык, үзебез өйрәнгән шигырьләрен сөйләдек. Җәлил турындагы белемнәребезне тулыландырдык. 

Дәресләрдә белемнәрне ныгытабыз, белмәгәнне өйрәнәбез, кабатлыйбыз.

28 нче декабрь көнне бакчабызда гөрләп Яңа ел бәйрәме үтте. Әниләр, балалар җырлап-биеп, уйнап күңел ачтылар. Бүләкләр алып, шат күңел, матур уйлар, якты өметләр белән таралыштылар. 

Бүген бакчабызда чираттагы туган көн. Динаска 6 яшь. Без аны кайнар котлыйбыз, тәрбияле, бәхетле-тәүфыйклы булып үсүен телибез.

Яңа елга әзерләнү -үзе бәйрәм. Күңелләр күтәренке, шатланып чыршы бизибез.

Гриппка каршы тору, таратмау, вакытында ачыклау максатларыннан иртәнге тикшерүләр вакытында, даими үткәрелә.