Иске Салман төп гомуми белем бирү мәктәбендә герой шагыйрь Муса Җәлилнең  115 еллык юбилен билгеләп үтүгә әзерлек эшләре башланды. 3 нче февраль  көнне  мәктәпнең туган тел һәм әдәбият укытучысы Насыйбуллина Г.С.  М.Җәлилнең тормыш юлы һәм иҗатына багышланган “Көрәшкә бир бөтен гомреңне!”  исемле әдәби калейдоскоп  үткәрде.Бу чарада 5-9 сыйныф укучылары катнашты. “Гомрем минем моңлы бер җыр иде” дип исемләнгән слайд-презентация ярдәмендә укучылар М. Җәлил һәм җәлилчеләрнең, яшерен оешма төзеп, фашизмга каршы алып барган героик көрәше, каһарманлыклары турында  белделәр.

 Мәктәп китапханәсендә “Герой шагыйрь- Муса Җәлил”  исемле китап күргәзмәсе  оештырылды.Күргәзмәдә Җәлилнең  китаплары һәм аның тормыш юлы һәм иҗатын чагылдыручы  материаллар  тупланган.