“Ришвәтчелеккә урын юк!” исемле сыйныф сәгате булды. Оештыручы – авыл китапханәчесе Гарипова Г.С. Чараның максаты: укучыларда социаль актив позиция, башкарган гамәлләр өчен җаваплылык хисе һәм ришвәтчелеккә каршы торучанлык тәрбияләү. Укучыларга тәкъдим ителгән презентация илебездәге ришвәтчелек тарихына багышланган иде. Укучылар бу проблема буенча фикер алышты, җәмгыятьтәге ришвәтчелек бөтен илнең икътисадын җимерә һәм илдә яшәүче һәр кеше тормышына зыян китерә,-дигән нәтиҗә ясадылар.Бердәм булып, ришвәтчеләргә каршы көрәшү генә җәмгыятебездәге бу тискәре күренешне җиңүгә китерәчәк.