Нәби Дәүли иемендәге Базарлы Матак гимназиясенең “Зиннәт” театр коллективы​ Татарстан Республикасы фән һәм мәгариф, Татарстан Республикасы мәдәният министрлыклары ​ һәм Кәрим Тинчурин исемендәге Татар дәүләт драма һәм комедия театры тарафыннан оештырылган I Республика мәктәп һәм гаилә театрлары фестиваль – бәйгесендә катнашты. “Зиннәт” театр коллективы Бөтенроссия мәктәп театрлары реестрына кертелгән.

Әлеге фестиваль – бәйгедә барлыгы 100гә якын мәктәп һәм гаилә коллективы катнаша. Спектакльләр алдан төзелгән график буенча Кәрим Тинчурин исемендәге драма һәм комедия театрында күрсәтелә. “Зиннәт” театры күренекле драматург Туфан Миңнуллинның​ “Әлдермештән Әлмәндәр” әсәре белән чыгыш ясады. Бәйгенең нәтиҗәләре ноябрь аенда билгеле булачак.