«Татарча диктант” акциясенә бик теләп катнаштык.
13-15 ноябрь көннәрендә районыбызның 16 мәктәп мәйданчыкларында 584 укучы, укытучы һәм авыл халкы Бөтендөнья куләмендә уздырылган “Татарча диктант” акциясендә катнаштылар. Әлеге чара сигезенче мәртәбә үткәрелеп, татар теленә игътибарны арттыруга, татар телендә грамоталы дөрес язуга омтылуга дәрт уятучы күркәм традициягә әйләнеп бара. Бу традицияне хуплап, барлык акциядә катнашучыларыбыз икенче елга да тагын катнашаячакбыз дигән теләктә калдылар.