Татар телен, әдәбиятын, мәдәниятен саклау һәм үстерү, укучыларда әдәбиятка, сәнгатькә кызыксыну уяту, әдәби иҗатка сәләте булган яшьләрне ачыклау, яшь язучыларны таныту максатыннан   Татарстан Республикасы Мәгариф һәм фән министрлыгы Татарстан Республикасы Язучылар берлеге белән бергәләп татар телендә иҗат итүче мәктәп укучылары арасында «Илһам» бөтенроссия яшь язучылар бәйгесен уздыра. Бүген,6 апрельда, Чистай шәһәренең  2 нче гимназиясе базасында     әлеге   бәйгесенең  зона этабы үтте.   Анда   районыбызның  5 мәктәбеннән  6 укучы ( Нәби Дәүли исемендәге гимназиядән -2, Түбән Әлки урта мәктәбеннән -1, Чуаш Кичүе урта мәктәбеннән -1, Карга мәктәбеннән -1 , Алпар урта мәктәбеннән  1 укучы) катнашып районыбызның данын яклады. Укучыларның иҗатын танылган язучыларыбыз бәяләде.     Нәтиҗәләр апрель ахырында билгеле булачак. Катнашучыларыбызга уңышлар теләп калабыз !