Мәктәпкәчә яшьтәге балалар арасында иң яратып уйнала торган уеннар – җырлы-биюле уеннар. Бала тормышын музыкаль уеннарсыз күз алдына да китереп булмый. Җырлы-биюле уеннар вакытында балаларның иҗат мөмкинлекләре ачыла, мөстәкыйльлекләре арта, оештыру сәләтләре үсә. Уен кагыйдәләренә буйсыну балаларда чыдамлылык, ихтыяр көче, сабырлык тәрбияли. Нәниләр үз теләкләрен башкаларныкы белән яраклаштырырга, иптәшләре алдында җаваплылык хисе тоярга өйрәнәләр. Уртак шатлык хисе кичерү, күмәк биюләр башкару балаларны шәхес буларак үстерә, камилләштерә. Мәктәпкә әзерлек төркеме балалары “Әйдәгез, биибез”, “Ак ипи”  уеннарын аеруча яратып башкаралар. Аларда уен барышында рухи күтәренкелек туа, төрле эшчәнлеккә активлыклары артып китә.

Татар теле тәрбиячесе: Исламова Р.А.