Бүген мәктәпнең 4 класс укучылары әйләнә-тирә дөнья фәненнән Бөтенроссия тикшерү эшләре башкаралар. Барлык укучыларга да уңышлар телибез!

2016 нче елның 19 маенда  Югары Яхшый төп гомуми белем бирү мәктәбендә гуманитар фәннәр  методик берләшмәсенең утырышы узды. Утырышның максаты: ел йомгаклары,тәҗрибә уртаклашу, методик табышлар һәм аларның белем бирү процессында кулланылышы. Утырышта төрле проблемалар күтәрелде һәм бу темалар буенча укытучылар Нәбиева Г.Ф., Зигангирова З.Ә., Нуриахметова З.И. чыгыш ясадылар.

Тиздән чыгарылыш имтиханнары башлана. Югары Яхшый мәктәбендә график нигезендә рус теле, математика һәм сайлап алынган фәннәр буенча консультацияләр үткәрү дәвам итә.

Башлангыч сыйныф укытучылары Чаллы пед.институты оештырган "ФГОС ны тормышка ашырам" бөтенрәсәй конкурсында катнашып призлы урыннар яуладылар. Нәбиуллина Диләрә Фидаел кызы III урын, ә Светлана Риф кызы лауреат дипломына лаек булдылар. Укытучыларыбыз 20,21 нче майда үтәчәк котлаулар тантанасына чакырылдылар. Уңышлар телибез!

17 нче май көнне Югары Яхшый  мәктәбендә укучылар белән  “Табигатьне саклагыз” дигән темага әңгәмә үткәрелде. Әңгәмә барышында укучылар табигатебез,  аның байлыклары һәм аларны саклау, яшелләндерү турында сөйләштеләр. Ахырдан табигатьне саклау – безнең изге бурычыбыз дигән нәтиҗә ясалды.

4 нче сыйныфларда бөтенроссия тикшерү эшләре дәвам итә. Бүген укучыларыбыз математика фәне буенча тест биремнәре үтәде.

Конкурста Югары Яхшый мәктәбе укытучысы Сибатова Рәзилә Ринас кызы да катнашты. Хезмәттәшебез 2 урын яулады. Котлыйбыз!

Икенче икмәк- бәрәңге утыртылды. Укучылар кәбестә үсентеләре өчен җир әзерләделәр, кыяклы суган түтәлләрен тәртипкә китерделәр, яшелчәләргә һәм чәчәкләргә су сиптеләр.

Югары Яхшый мәктәбендә Соңгы кыңгырауга әзерлек эше бара. 9нчы чыгарылыш сыйныф укучылары җыр, бию, шигырь, котлаулар әзерлиләр. 25 нче май көнне соңгы кыңгырау чыңлаячак. Рәхим итегез!