График буенча 9 сыйныф укучылары имтиханнарга әзерләнәләр. Вакытында алып барылучы, системага салынган эш үзенең нәтиҗәләре белән сөендерер дип ышанабыз.

Мәктәп китапханәсе ТАССР оешуга 100 ел тулу уңаеннан күргәзмә оештырды. Күргәзмәгә Татарстан  тарихына багышланган китаплар, газета-журналлар куелды. Китапханәче Сайфуллина Л.Т. башлангыч сыйныф укучыларын әлеге күргәзмә белән таныштырды, Татарстан АССР тарихы хакында сөйләде.

Чираттагы ата- аналар җыелышын үзенчәлекле итеп уздырдык. Мәктәп һәм гаилә элемтәсен тагын да ныгыту максатыннан һәр баланың әти-әнисе белән аерым сөйләшү үткәрдек. 

9 декабрь көнне мәктәптә «Коррупциягә юк»дигән темага сыйныф сәгате үтте. Әңгәмә коррупциягә карата көрәш һәм законнарга хөрмәт тәрбияләү максатыннан үткәрелде. Укучылар коррупциягә каршы көрәш алымнары турында күп мәгълүмат алдылар.

Чит тел укытучысы Кадыйрова З.И. "Ләйсән" балалар бакчасында шөгыль уздыра

Бүген югары класслар оештырган хәйрия ярминкәсе узды.Мәктәп коллективы бу изге эшкә ярдәм иткән, ризыклар пешереп җибәргән әниләргә рәхмәтен җиткерә. Балаларыбыз гел шулай игелекле булсыннар дигән теләктә калабыз.

Кадыйрова З.И. гомуми класс сәгате уздырды. Мөмкинлекләре чикләнгән спортсменнар турында презентация күрсәтте

Ункөнлекнең чаралар планы нигезендә хәйрия ярминкәсе узды.Бүген башлангыч класс укучыларының әниләре ризыклар пешереп җибәргән. Сатудан кергән акчаларны сәламәтлекләре чикле булган авылдашларыбызга тапшырабыз

Россия Дәүләт Советы депутатлары тәкъдиме белән 2014 ел 3 декабрь - тарихи дата итеп «Билгесез солдат көне» - яу кырларында башларын салып, билгесез калган сугышчыларны искә алу көне итеп билгеләнде.Шул уңайдан тарих укытучысы Шайхина Раушания Әнвәр кызы класс сәгате уздырды.

Тәрбия эшләре буенча директор урынбасары Кадыйрова Зәлифә Илнур кызы укучыларны  ункөнлек  планы белән таныштырды.Бигрәк тә шефлык отрядларының эшен җанландырырга чакырды.