Бүген мәктәптә авылыбызның танылган гармунчысы Тимиров Рәсүл Хәмит улын юбилее белән котлау чарасы үтте. Рәсүл абый, авылга укып кайтып эшли башлаганнан бирле, мәктәптә үткән барлык чараларда баяны белән катнаша. Аның хезмәтләрен хөрмәтләп мәктәп директоры Ахметов Рәмзил Хуҗагали улы, директорның укыту-тәрбия буенча урынбасары Хәбирова Мәйсәрә Фаис кызы, тәрбия эшләре буенча урынбасары һәм профсоюз рәисе Миңнеәхмәтова Земфира Мөхәррәм кызы, "Дуслык" балалар бакчасы мөдире Солтанова Гөлчәчәк Сәлах кызы, юбилярның балалары, оныклары котлады. Кичәне башлангыч класс укытучылары Миргалимова Эльвира Вакыйф кызы һәм Гәрәева Флүсә Сабит кызы алып барды. Кичә җыр-моңнар белән үрелеп барды.