Безнең мәктәптә “ФГОС шартларында иҗади шәхес тәрбияләү чарасы буларак   универсаль уку гамәлләре формалаштыру” темасына башлангыч класс укытучыларының район семинары булып узды.

Семинар вакытында түбәндәге ачык дәресләр тыңланды:  1 нче класста технология дәресе. Конструкцияләү буенча эшчәнлек «Чыршы ясау». Шәрифҗанова Диләрә Мәгъсүмовна, I квалификацион категорияле башлангыч класс укытучысы. 2 нче класста әйләнә-тирә дәресе. «Төрле хайваннарның кышка ничек әзерләнүе». Гыйлмуллина Гөлфия Тимерхановна, II квалификацион категорияле башлангыч класс укытучысы. 3 нче класста математика дәресе. «2,3,4,5,6 саннарын тапкырлау һәм бүлүне ныгыту». Фазлыева Гөлгенә Ингеловна, II квалификацион категорияле башлангыч класс укытучысы. 4 нче класста татар теле дәресе. «Боерык фигыльнең төрләнеше». Мирзаһитова Фәрәһия Рәисовна, I квалификацион категорияле башлангыч класс укытучысы.

 Класстан тыш эшчәнлек буенча I квалификацион категорияле музыка укытучысы Төхбәгалиева Илина Котдусовна 4 класста «Җыр—кешенең гомерлек юлдашы» дәресен күрсәтте,  I квалификацион категорияле рәсем укытучысы Нуруллин Рушат Фирдәвисович «Яңа ел бүләге» темасына мастер-класс үткәрде.

 Соңыннан дәресләргә үзанализ һәм анализ ясалды. Район  мәгариф бүлегенең I квалификацион категорияле методисты Имамразыева Гөлназа Даврановна мәгариф өлкәсендә булган яңалыклар белән таныштырды.