Бүген олуг кичә - МӘҮЛИД бәйрәме кичәсе - бөтен дөньяга иң күркәм үрнәк булган нурлы Пәйгамбәребез Мөхәммәднең туган көне. Мәүлид аенда мәчетләрдә вәгазьләр укыла. Күп итеп салаватлар әйтелә, хәер, садака, зәкят өләшенә. Күп кенә дини чаралар, мәҗлесләр уздырыла. Шундый мәҗлесләрнең берсе авылыбыз мәчетендә үткәрелде. Район мөслимәләр оешмасыннан килгән абыстайлар (мөслимәләр оешмасы рәисе Гөлнара (Саидә) абыстай, шәрәфле абыстай - Зөхрә ханым, “Нурлы” гәзит редакторы Дилбәр абыстай, мөгаллимә – Ләйсән абыстайлар) белән очрашу укучыларыбыз күңелендә яхшы фикерләр калдырды. Аллаһү Сүбехәәнә вә Тәгалә барча мөселманнарга мәүлид укырга насыйп итеп, барчасын Рәсүлебез шәфәгатенә лаек итсә иде! Изге бәйрәмебез мөбарәк булсын!