Мәктәпнең традицион тәрбия чараларына тугъры калып, быел да Нәүрүз бәйрәме  һәр баланың исендә калырлык итеп үткәрелде. Илина Котдусовна, Ландыш Җәүдәтовналар аңың оешкан төстә үтүенә бөтен көчен куйдылар. Бер укучы да конкурслардан, уеннардан читтә калырга тырышмады. Ә иң көтеп алганы, мөгаен, коймак белән чәй эчү булгандыр. Һәркемнең йөзендә елмаю, канәгатьләнү хисе чагылды. Шатланырга сәбәп бар: иң озын - III чирекне, ниһаять, тәмамладык, каникулга таралышабыз бит! Әби-бабайларыбыздан калган бу йола һәркемнең күңеленә хуш килеп, аның традицияләре сакланыр һәм тагын да баер дигән теләктә калабыз!