20 ноябрь көнне Байсар мәктәбендә “ФГОС нигезендә дәресне проектлау этаплары” дигән темага математика укытучыларының район семинары булып узды. Семинарда 28 укытучы катнашты. Математика укытучысы Ямиев Р.Ф. 7 класста алгебрадан ачык дәрес күрсәтте. Соңыннан дәрескә анализ ясалды, район укытучыларының киңәшмәсе булды.

В целях профилактики и предупреждения несчастных случаев с учащимися и детьми на водных объектах, с 30 октября по 13 ноября текущего года в образовательных организациях района проводился муниципальный этап конкурса «Буду бдительным на льду и на воде». Из нашей школы участвовала ученица 1 класса Хабирянова Рузалина Рузилевна (Руководитель Муфтиева Г.А.)

Көзге каникуллар вакытында мәктәптә укучылар өчен лагерь эшләде. Монда укучылар төрле түгәрәкләргә йөреп, спорт уеннарында катнашып вакытларын файдалы итеп үткәрделәр. Төрледән-төрле экскурсияләр дә бик күңелле узды.

"Сәламәтлек- кешенең иң зур байлыгы. Озак һәм бәхетле яшисе килсә, һәр кеше иң беренче чиратта үзенең сәламәтлеге турында кайгыртырга тиеш." - ди врач Фазлыева Г.Н.

Бүгенге көндә икмәкне без машиналар ярдәмендә үстерәбез.Ә элекке вакытта алай булмаган. Иген игү иң изге, иң мөкатдәс, иң дәрәҗәле эш саналган.Алтын бөртекләрне җир куенына чәчәргә чыгар алдыннан бабаларыбыз әйбәтләп мунча кергән, иң әйбәт күлмәкләрен кигән.Уракка төшәр алдыннан да шулай булган. Ул вакытта кәкре сабан белән җир сөргәннәр, кул белән чәчкәннәр, урак белән урганнар, кул тегермәне ярдәмендә бодайдан он тарттырганнар.Хәзер без башка заманда яшибез, әмма икмәк элеккечә үк кадерле.Ипекәйгә багышлап, шагыйрьләребез һәм язучыларыбыз күп кенә әсәрләр иҗат иткәннәр. Мәсәлән, Р. Миңнуллинның “Ипи булса” шигыре:

Ипи басуда үсә,

Аннан амбарга күчә,

Аннары мичтә пешә,

Кызарып мичтән төшә.

Шуннан килә өстәлгә-

Безгә куәт өстәргә!

Ипи булса табында

Булдырам мин барын да!

Каникуллар вакытында фән олимпиадаларына әзерлек дәвам итте. Олимпиада — ул синең көчеңне сынап карар өчен оештырыла торган чара. Шул фән буенча булган белемнәреңне күрсәтергә менә дигән мөмкинчелек. Әзерләнү моменты гына да күпме яңа мәгълүмат, белем бирә. Җиңү түгел, ә шул алган белемнәр сиңа алдагы тормышыңа йогынты ясый, ярдәм итәләр.

Во исполнение приказа министерства образования и науки РТ № под-1595/18 от 31.10.18 года «О проведении аттестации педагогичесих работников», 7 ноября 2018 года состоялось профессиональное тестирование кандидатов на заявительную аттестацию (первую и высшую квалификационную категорию).

Уку елының икенче чиреге башланды. Укучылар көзге каникулда ял итеп укырга килделәр. Каникул чорында мәктәптә эш план нигезендә алып барылды. Гомуми ата-аналар җыелышы булып узды, мәктәп яны лагере эшләде, 9 класс укучылары рус теле һәм математкадан имтихан биреп карадылар. Спорт ярышлары шулай ук игътибардан читтә калмады.

1 ноябрь көнне мәктәптә гомуми ата-аналар җыелышы булып узды. Җыелышта балалар табибе Фазлыева Г.Н., район эчке эшләр бүлеге һәм юл хәрәкәте иминлеген пропагандалау бүлеге хезмәткәрләре катнашты.

Һәрбер чорның үз матурлыгы бар. Кыш үзенең әче бураннары, яз - тезелешеп кайткан кыр казлары белән матур. Җәйнең йөзен аллы-гөлле чәчәкләр бизи. Ә көз? Алтын көз! Исеме дә әнә нинди матур яңгырый. Болай әйткән вакытта без табигатьтәге буяу-бизәкләрне генә күздә тотмыйбыз. Көзнең алтынлыгы, аның муллыгы һәм күркәмлеге көзге муллык белән билгеләнә.

Борын заманнарда бер авыл агаеннан

- Синеңчә яз яхшыракмы, әллә көзме?- дип сораганнар.

Ул, һич тә аптырамыйча:

- Күз өчен яз яхшы, авыз өчен көз яхшы,- дип җавап биргән.

Менә шундый авыз өчен яхшы булган табигатьнең иң асыл фасылында безнең мәктәп укучылары Уңыш бәйрәменә җыйналдылар һәм “Тәмле көрәш” бәйгесендә көч сынаштылар. Көзге уңыштан ризык әзерләүдә 8 класс укучыларына тиңнәр табылмады. Котлыйбыз!