«Урок цифры» — всероссийская образовательная акция, в рамках которой школьники с 1 по 11 класс смогут в игровой форме познакомиться с основами программирования и погрузиться в увлекательный мир цифровых технологий.

«Урок цифры» проходит по всей стране с 3 по 9 декабря 2018 г. Уроки идут в каждой школе во всех учебных параллелях с 1 по 11 класс. Акция посвящена Дню информатики в России и представляет собой цикл необычных уроков информатики с практической тренировкой навыков программирования. Уроки планируется проводить раз в месяц с февраля по май 2019 г. Каждый из них будет посвящен определенной теме и направлен на развитие цифровых знаний и навыков по направлению «Кадры и образование» в рамках национальной программы «Цифровая экономика Российской Федерации». В нашей школе на данном уроке участвовали 23 ученика.

5 нче декабрь көнне Гумнитар гимназия – интернат базасында бакчачы, агроном, педагог, икътисадчы, галим, язучы, шагыйрь, журналист, тәрҗемәче, геодезист, топограф Фарсель Зиатдиновка багышланган “Туган телем – әдипләр теле” исемле VI Республика фәнни – гамәли конференция уздырылды. Безнең мәктәптән 8 нче сыйныф укучысы Галләмова Ләйсән “Фарсель Зиятдинов иҗатында экология һәм табигатьне саклау мәсьәләләре” дигән темага чыгыш ясады һәм мактаулы 2 нче урынга ия булды. (Әзерләгән укытучы – Әхтәмова Гөлнара Илгиз кызы) Котлыйбыз!

1 декабрь көнне Актанышның  “Бүләк” чаңгы тарссасында  кышкы спорт сезонын ачу тантанасы булып узды. Бирегә район мәктәпләреннән  чаңгы спортын үз итүче 166 укучы җыелды. Безнең мәктәп командасы да матур гына чыгыш ясап кайтты. Физкультура укытучысы Кәлимуллина Гөлнара Рафик кызы хатын-кызлар арасында 2 урын яулады. Чаңгы ярышында җиңүчеләргә  грамота һәм медальләр тапшырылды. Котлыйбыз!

Физик мәгълүматларны укучы үзе мөстәкыйль рәвештә аңлап,иҗади үзләштергәндә генә аларны оста һәм файдалы итеп куллана ала. Физика һәм математика акылны дисциплиналаштыра, логик фикер йөртергә өйрәтә. Шушы максатлардан чыгып 7-9 класслар арасында физика-математика буенча кичә булып узды. Төрле тәҗрибәләр үткәрелде, кызыклы сорауларга җаваплар табылды.

Бүген мәктәптә балаларны татар халкының милли бәйрәме "Каз өмәсе" йоласы белән таныштыру, халкыбызның күркәм гореф-гадәтләре, матур йолалары белән таныштыру максатыннан "Каз өмәсе-авыл бизәге" дигән бәйрәм уздырылды. Балалар татар халык уеннарын бик яратып уйнадылар, табышмаклар, мәкальләр әйттеләр. Авыл халкы элек-электән күп көч сорый торган эшләрне ирекле рәвештә җыелышып, күмәкләшеп башкарган. Күп каз асраган гаиләләрдә каз өмәсен оештыруны тормыш үзе таләп иткән. Өмәдә барыннан да элек кызларның уңганлыгы сыналган. Булачак кайнаналар үзләренә ошаган кызларны шунда билгеләп куйганнар. Борынгы әби-бабаларыбыз казларны бик яратканнар. Күргәнебезчә, каз өмәсе авыл тормышының бер бизәге. Бу гадәтебез яшь буынга кире әйләнеп кайтыр дип ышанасы килә.

Математика атналыгы дәвамында 5-6 класслар арасында "Серле утрау янында диңгез сугышы" дигән кичә булып узды. Укучылар ике командага бүленеп мәсьәләләр чиштеләр, "Серле утрау"дан хәзинә эзләделәр. Күренекле математиклар тормышыннан, математика фәне тарихыннан яңа мәгълүматлар белделәр, математика фәне белән кызыксыну фикерләү сәләтен үстерүгә, дәрестән тыш вакытны файдалы һәм кызыклы итеп үткәрүгә чыннан да ярдәм итә икән дигән фикергә килеп таралыштылар.

26 ноябрьдән 30 ноябрьгә кадәр мәктәптә математика-физика атналыгы уза. Атналык дәвамында төрле кызыклы кичәләр, конкурслар уза. Укучылар телдән иң тиз исәпләүче бәйгесендә,  сканвордлар төзүдә, рәсемнәр ясап, газеталар чыгарып көч сынашалар, иң көчлеләрне ачыклыйлар.

22 нче ноябрь көнне районда математика олимпиадасының муниципаль туры булып үтте. Безнең мәктәпнең 4 класс укучысы Мирзамәхмүтов Ильяс призер, 7 класс укучысы Ямиев Динар җиңүче булдылар. Котлыйбыз!

22 ноября в РДК прошёл финал муниципального этапа республиканского конкурса "Секреты дружного класса".  Свой секрет дружного класса раскрыли учащиеся и родители 7 класса нашей школы и заняли II место. В рамках конкурсных мероприятий родительский комитет продемонстрировал визитную карточку, защиту проекта и выставку про свой класс. Поздравляем и желаем успехов!.

Бүген, ягъни 20 ноябрь көнне, Байсар мәктәбендә 5-6 класслар арасында "Математик карусель" конкурсы булып узды. Бәйгедә 28 мәктәптән 32 команда катнашты. Ахырдан җиңүчеләр билгеләнеп, бүләкләнделәр.