Хокук бозуларны кисәтү максатыннан мәгариф оешмалары арасында уздырылган "Территория закона" бәйгесендә Байсар мәктәбе 1 урынга лаек дип табылды. Алга таба да уңышлар!

"Әтиләр берләшмәсе" нең чираттагы утырышы мәктәп директоры Рамил Җәмигънур улы җитәкчелегендә Такталачык җирлегендә узды. Бала тәрбияләүдә әти роле, әти сүзенең әһәмияте турында чыгышлар тыңланды, мәктәпләрдә әхлак дәресләрен укытуны оештырырга кирәклегенә басым ясалды. Чираттагы утырыш Тат Суксу җирлегенә билгеләнеп, күчмә гаилә символы мәктәп директоры Фидан Фирдависовичка тапшырылды.

Бакчада язгы эшләр башланды. Быел сатып алып,  бакчага урнаштырылган теплицада биология дәресендә укучылар тәҗрибә җирен йомшарталар.

Мәктәбебез укучылары командасы "Куркынычсыз көпчәк" районкүләм бәйгесендә катнашып иҗади бәйге өлешендә 2 урынга лаек дип табылдылар, бадминтон җиһазлары белән бүләкләнделәр.

9 класс укучылары проект эшләрен якладылар. Комиссия председателе мәктәп директоры Рамил Җәмигънур улы укучыларның эшләрен бгары бәяләде, алдагы имтиханнарда да уңышлар теләде.

Байсар мәктәбендә Изге Рамазан аенда ифтар мәҗлесе үтте. Кунак итеп чакырылган имам Назим хәзрәт вәгазьләр сөйләп, коръән аятьләрен укып мәрхүм-мәрхүмә әти-әниләр, әби-бабарарыбызны искә алды. Тоткан Уразаларыбыз кабуллардан булсын!

Бөек шагыйребез Г.Тукай туган көнгә багышлап, 26 апрель көнне "Тукай һәм дин" дип исемләнгән мәктәпкүләм чара үтте. Укучылар Изге Рамазан ае булганлыктан, Тукайның дини темага караган шигырьләрен өйрәнеп, яттан сөйләделәр.

Әхлак дәресенә йөрүче укучылар укытучылар алдында имтихан тотты. Балалар кл дәвамында түгәрәктә өйрәнгән сүрәләрен яттан сөйләделәр. Бәйге нәтиҗәләре буенча урыннар чыгарылды. Киләчәктә дә мондый төр бәйгеләр үткәрергә кирәклеккә басым ясалды.

«Созвездие — Йолдызлык — 2022» республика фестиваль — конкурсынын финал өлешендә үз көчен сынап, уңышлы чыгыш ясап кайткан Мурзина Зәлияне тәбриклибез. Зәлия һәр ел саен район һәм зона этабында урыннар яулый. Җитәкчесе —  Сәләхов Рамил Җәмигнур улы. Киләчәктә аларга тагы да зур уңышлар телибез.

Поздравляем Мурзину Залию, которая успешно выступила в финальной части республиканского фестиваля — конкурса» Созвездие — Йолдызлык — 2022". Залия ежегодно завоевывает места на районном и зональном этапах. Руководитель-Салахов Рамиль Замигънурович. Желаем им дальнейших успехов.

Белем бирү мохитенең психологик куркынычсызлыгын мониторинглау-ул белем бирү оешмасында психологик сәламәтлекне ныгытуга, шәхеснең нәтиҗәле, тотрыклы үсешенә комачаулаучы куркынычларны профилактикалауга ярдәм итүче комплекслы система. 12-30 апрель көннәрендә 6-11 сыйныф укучылары арасында мониторинг оештырыла. Безнең 6-9 сыйныф укучылары сораштыруда актив катнаштылар.

Мониторинг психологической безопасности образовательной среды — это комплексная система обеспечения психологически комфортной среды в образовательной организации, способствующей укреплению психологического здоровья, профилактике угроз, препятствующих продуктивному, устойчивому развитию личности. С 12 по 30 апреля организовываются мониторинги среди учащихся 6-11 классов. Наши ученики 6-9 классов активно поучаствовали в опросе.