2022 елда Изге Болгар дәүләтендә Ислам динен кабул итүгә 1100 ел тулуны бәйрәм итү турында указга кул куелды.Шул уңайдан үзәк китапханә, 20 нче апрель көнне “Ислам: әдәбият, мәдәният, йолалар һәм гореф-гадәтләр” исеме белән очрашу –кичә уздырды.Очрашуда теманы яктырткан китап күргәзмәсе тәкъдим ителде, видеоролик күрсәтелде.Сәнгать мәктәбе укчылары бөек шагыйребез Г.Тукайның иҗатыннан ислам, динне яктырткан шигырьләрен сөйләүләре кичәбезне ямьләндерде.Актаныштан Мөслимәләр Зөһрә апа Закирова, Алсу Хисматова, Кәүсәрия апа Загертдинова, Илина Арсланова, Теләкәй авылыннан Вәсилә апа Тимирова үзләре ясаган намазлыклар, дисбеләр, шамаилләр, гомумән ислам дине атрибутлары, дини тәрбиянең асыл һәм иң кирәкле сыйфатлары турында укучы-яшьләр белән фикерләрен уртаклаштылар. Әнфисә Гимазова Рәсимә Зарипова тәрбия, дин темасына шигырьләрен сөйләделәр.

Әлеге эчтәлекле дә, мәгънәле булган чарадан укучы –яшьләр Ислам диненең тынычлык дине, тәрбия бирүнең бер төп нигезе икәнен аңладылар.Ә очрашуга килгән мөслимәләр балаларыбызга, оныкларыбызга күркәм тәрбия, матур эшләребезне мирас итеп калдырсак иде дигән фикердә таралыштылар.