27-29 май көннәрендә Зәй шәһәрендә "Президент спорт уеннары"- мәктәп укучыларының Бөтенроссия спорт уеннарының региональ этабы узды. Ярышларда 9 шәһәр һәм муниципаль район командалары катнашты. Һәр командада 2006-2007 елларда туган 6 егет һәм 6 кыз бар. Актаныш районын муниципаль этапта җиңү яулаган мәктәбебез командасы тәкъдим итте. Команданы ике физик тәрбия фәне укытучысы-Булатов Руслан Ралиф улы һәм Хөсәенов Азат Раил улы әзерләделәр. Балалар спорт әзерлегенең югары дәрәҗәдә булуын күрсәттеләр һәм призерлар булдылар: волейбол(егетләр) - 1 урын. Җиңел атлетика(егетләр) - 3 урын. Җиңел атлетика(кызлар) - 3 урын. Өстәл теннисы(кызлар) - 2 урын Футбол - 2 урын. Гомуми нәтиҗәләр буенча Актаныш командасы 5 нче урынны яулады. Спортчыларны һәм тренерларны котлыйбыз! Яңа җиңүләр телибез!!!!