Мәктәбебездә юл хәрәкәтенең яшь инспекторларыннан торган отряд актив эшли. һәр көнне яшь инспекторлар юл йөрү кагыйдәләрен үтәргә кирәклеген пропагандалый. ЮИДчылар дәүләт автоинспекциясенең төп ярдәмчеләре булып торалар. 23 нче декабрь көнне укучылар Актаныш районы ЮХИДИ башлыгы Ренат Шәмсиев һәм профилактика бүлеге җитәкчесе Ләйсән Мөхәммәтова белән очраштылар. ЮИД отряды белән мәктәп  директорының тәрбия эшләре буенча урынбасары Зәлинә Назыйф кызы Вахитова җитәкчелек итә, барлыгы 35 бала шөгыльләнә. Яшь инспекторларының максатлары якты, изге."Һәр кешегә юл йөрү кагыйдәләрен ныклап аңлату, юлларда тәртип бозуларны булдырмас өчен үзебездән булдырганча өлешебезне кертү. Әти-әниләр, балалар бакчаларында тәрбияләнүчеләр, башлангыч сыйныф укучылары алдында чыгышлар еш ясыйбыз. Күп кенә бәйгеләрдә катнашып, алдынгы урыннарны яулыйбыз. «Куркынычсыз тәгәрмәч» бәйгесендә катнашып, районда беренче урынны алдык, зона этабында катнашып Диплом белән хөрмәтләндек", — ди алар бертавыштан.