“Ялгыз моң”, “Мәхәббәткә мәдхия”, “Көзләремдә көтәм язларны”, “Сагышлы мәхәббәт”, һәм “Язгы гөлем” дип аталган шигырь ләр җыентыкларына тупланган әсәрләре сөю, ярату, олы мәхәббәт ялкыны белән сугарылган. Аларда изге җиргә, туган туфракка, авылга, әти-әниләргә, дусларга тугрылык хисләре ярылып ята. “Филүс Фазыловичның  шигырьләре үтә дә моңлы һәм сагышлы. Аларны укыгында, аның сүзләренә язылган җырларны тыңлаганда күзләргә ирексездән яшьләр килә. Чөнки талантлы якташымның тансык тезмә әсәрләре, челтерәп аккан тау чишмәләредәй, үзләреннән-үзләре көйгә салуны теләп торалар!..”-дип яза китапның кереш сүзендә язучы һәм галим, икътисад фәннәре докторы, профессор; Татарстанның атказанган мәдәният хезмәткәре һәм атказанган фән эшлеклесе Фарсель Зыятдинов.

Илшат Шәехович тарафыннан Пучы урта гомуми белем бирү мәктәбе китапханәсенә   тапшырылган Әлфия Саматның “Ана хакы” дип исемләнгән документаль проза әсәрендә бар гомерен Татарстанның ветеринария хезмәтенә багышлаган ветеринария фәннәре докторы, профессор Филүс Фазыл улы Хисаметдиновның тормыш юлына багышлана.