Ну вот окончились уроки,
И лето ждет нас впереди,
Каникулы уж на пороге,
Готово счастье к нам прийти!

Мы говорим всем: «До свидания!»,
Хотим спасибо мы сказать
Учителям за все старания,
За знания, что стремились дать!

Пусть все ― учителя и дети ―
Прекрасно летом отдохнут
И всех счастливее на свете
В школу осенью придут!
 

Бүген мәктәбебездә соңгы кыңгырау бәйрәме үтте.

Хөрмәтле чыгарылыш сыйныф укучылары!

Кайларда гына яшәсәгез дә, нинди генә үрләргә ирешсәгез дә, мәктәбегезне, укытучыларыгызны, туган ягыгызны онытмагыз! Сезгә зур тормыш юлында очраган сынауларны җиңәрлек ихтыяр көче, ныклы сәламәтлек, дәүләт имтиханнарын уңышлы тапшыруыгызны, бәхет-шатлыклар гына юлдаш булуын телибез. Мәктәптә алган аң-белем якты уй-хыялларыгызны чынга ашырырга, һәрберегезгә үз юлын табарга ярдәм итсен. Хәерле юл сезгә!

Ученица 1 класса нашей школы Шайхутдинова Раяна заняла 3 место в муниципальном этапе республиканского конкурса детских проектов "Мой путь в ГТО" в номинации "рисунок" (Руководитель: Кашапова Гулия Галимулловна). Поздравляем!

Галстуклы еллар - күңел түрендә...

Бүген - үткәннәрнең якты хатирәсе булып күңелдә калган пионер оешмасы төзелүгә 100 ел. Тарихка күз салсак, 1922 елда Мәскәү урамнарында тигез сафларга тезелгән кызыл галстуклы балалар күренә башлый. Болар беренче пионер отрядлары була. Шушы елның 19 маенда комсомолның икенче Бөтенроссия съезды пионер оешмалары төзү турында карар кабул итә. Аның нигезендә барлык шәһәрләрдә, авылларда пионер оешмалары төзелә башлый. Алар 70 ел хәрәкәттә була. Инде пионерия бетерелүгә 30 ел тулса да, ул биргән тәрбия, аның матур хатирәсе, пионер җырлары һәм речевкалары, барабан һәм быргы тавышлары, өч буынның бердәмлеген күрсәтүче кызыл галстук хәзер дә ул буын кешеләренең хәтерендә саклана.

Татарча көрәш буенча 18нче май көнне Кәзкәй интернат-мәктәбенең ачык беренчелегендә үз авырлык үлчәүләрендә уңышлы чыгыш ясаган укучыларыбыз:

Шәмсиев Ильяс ( 5 нче сыйныф) - 1 урын;

Кашапов Айрат ( 6 нчы сыйныф) - 2 урын;

Нуруллин Риналь ( 7 нче сыйныф) - 2 урын;

Шәйхетдинов Сәид ( 3 нче сыйныф) - 3 урын;

Секунов Эмиль ( 8 нче сыйныф) - 3 нче урын

Хөснетдинов Рөстәм ( 2 нче сыйныф) - махсус приз белән бүләкләнде.

18нче май көнне район мәдәният йортына Түбән Кама шәһәренең "Нардуган" җыр һәм бию ансамбле концерт белән килде. Әлеге концертны карарга мәктәбебезнең 7, 8А, 8Б, 10 сыйныф укучылары һәм аларның сыйныф җитәкчеләре барды.

17 мая во всех классах нашей школы прошел Урок Цифры по теме «Виртуальная и дополненная реальность».

11 мая 2022 года был проведен муниципальный этап республиканского конкурса "Лучший отряд юных инспекторов движения по итогам 2021\2022 учебного года и лучший руководитель". В конкурсе приняли участие 11 отрядов ЮИД. Среди них наш отряд ЮИД МБОУ "Поисевская СОШ" заняла 3 место. Руководитель: Вахитова З.Н. Поздравляем!

Матурлыгы өчен бу көннәрнең

Кемнәр генә корбан булмаган!

Исемнәрен тарих безгә үзе

Саклап килә ерак еллардан!

Туган ил хакына,

Туган җир хакына

Авылдашлар башын салдылар.

Безнең гомер өчен алар

Мәңгегә чит илдә калдылар!

Тарих битләренә коточкыч газаплары, чиксез югалтулары белән кереп калган сугыш сөреме илебезнең бер генә гаиләсен дә читләп үтмәгән. Сөекле улларын, яраткан ирләрен, әтиләрен югалткан аналарның, хатыннарның, балаларның кайгы-хәсрәте йөрәкләргә мәңгелеккә уелды, сугыш яралары гомерлеккә төзәлмәс җәрәхәтләр салды. Ләкин батыр йөрәкле ил халкы Бөек Җиңүгә ышаныч белән яшәде.

Хөрмәтле сугыш һәм тыл ветераннары, хөрмәтле сугыш чоры балалары! Ил өчен барган данлы көрәш елларында күрсәткән батырлыкларыгыз, көчле ихтыярыгыз, тыныч тормыштагы фидакарь хезмәтегез, туган җиргә көчле мәхәббәтегез һәм бүгенге якты тормышыбыз өчен сезгә олуг рәхмәтебезне белдерәбез. Ватаныбызны өзелеп яраткан данлы буын вәкилләренә карата ихтирам-хөрмәтебез чиксез зур. Беркемнең дә, беркайчан да бу дәһшәтле сугыш фаҗигаләрен онытырга хакы юк. Сезгә ихлас күңелдән исәнлек-саулык, күңел күтәренкелеге һәм якыннарыгызның җан җылысын тоеп яшәвегезне телибез. Тормышларыбыз имин, көннәребез якты, күңелләр һәрчак шат булсын!

Тыныч тормыш өчен көрәштә һәлак булганнар истәлегенә дан, ветераннарга карата хөрмәт билгесе, Бөек Җиңүнең горурлыгы һәм фронтка барлык көчләрен биргән кешеләргә рәхмәт хисләрен җиткерү максатыннан Пучы урта гомуми белем бирү мәктәбенең ЮИД отряды "Георгий тасмасы" акциясенә кушылды.