3 класс укучылары мәктәп китапханәсенә экскурсиягә менделәр. 

Мәктәптә эшләүче хезмәткәрләргә һәм укучыларга гриппка каршы вакцина ясалды.

Өлкәннәр декадасы кысаларында район күләмендә "Яшәгез Сез мәңге яшь булып!" исеме астында үткәрелгән инша бәйгесендә Нур Баян исемендәге балалар оешмасының "Кояшкай" отрядыннан: Вахитова Әдилә,Исламова Алинә, Имамов Раил, җитәкчесе- Шәрәфиева Гүзәлия, "Балачак" отрядыннан: Фазуллина Айзилә, җитәкчесе- Давлетова Зөлфия катнаштылар. Аларга киләчәктә дә иҗади уңышлар телибез.

Мәктәп китапханәсенә тарих белән кызыксынучы укучылар өчен яңа китаплар кайтты. 

Өлкәннәр ункөнлеге кысаларында Нур Баян  исемендәге балалар оешмасы тимурчылары өлкәннәрнең өйләрендә булдылар, йорт-бакча эшләрендә ярдәм иттеләр.    

Пучы участок хастахәнәсе табибәләре тарафыннан бүген укучыларга манту ясалды.

Пучы җирлегендә урнашкан "Актаныш картлар һәм инвалидлар өчен интернат йорты" тарафыннан "Китапка икенче тормыш бүләк ит" акциясе кысаларында мәктәп китапханәсенә бик күп китаплар бүләк ителде. Рәхмәт! Укучылар, китапханәгә рәхим итегез.

Хөрмәтле Укытучыларыбыз! Сезне һөнәри бәйрәмегез белән чын күңелдән котлыйбыз. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телибез.Безнең илдә кеше бәяләп бетерә алмаслык кыйммәтле хәзинә. Кешеләр илнең хуҗасы һәм тоткасы. Ә илебез киләчәгенең тоткасы сезнең кулларда, хөрмәтле укытучыларыбыз! Сез кешеләргә белем ачкычы бирәсез, кешеләрне кеше итәсез,олы юлга илтәсез. Сезгә барысы өчен олы рәхмәтебезне белдерәбез.

Нур Баян исемендәге балалар оешмасының "Дуслык" отряды, педагог-оештыручы Г.Х. Фазуллина белән  "Актаныш картлар һәм инвалидлар өчен интернат йорты" нда яшәүче өлкәннәрне "Өлкәннәр ункөнлеге" уңаеннан бәйрәм белән котлап кайттылар.    

МЧС хезмәткәрләре мәктәпнең 1-11 класс укучылары белән очрашып әңгәмә үткәрделәр.