Бөек Җиңүнең 70 еллыгына багышланган  мәктәп командалары арасындагы район шахмат ярышында мәктәбебез командасы мактаулы 2 урынга лаек булды. Команда составында ярышучы Салиянова Филиза ( 6 кл ), Фаррахов Ранис  һәм Ахняпов Рәмисне ( 8 кл ), җитәкче укытучылары Вагизов Нияз Тазимухамат улын уңышлары блән котлыйбыз. Афәрин!

17 апрель көнне мәктәптә "Дин тарихы һәм этика нигезләре" (ОРКСЭ) укыту буенча 3 класс укучыларының ата аналар җыелышы булачак. Хөрмәтле ата - аналар! Сездән, бу фәнне укыту максатлары һәм бурычлары белән танышып, аның эчтәлеген (модулен) билгеләүдә үз фикерләрегезне җиткерүегез соралачак.

10 апрель көнне Иске Кормаш мәктәбе базасында татар теле һәм әдәбияты укытучыларының "Бердәм республика тестына әзерлек. Укучылар белән индивидуаль эшне системалаштыру" темасына район семинары уздырылды. Бу семинарда татар теле укытучысы Фаррахова Рузилә Рәсим кызы катнашты.

Бүген Актаныш технология техникумы укытучылары мәктәбебезнең чыгарылыш 9 класс укучылары белән очрашуга килделәр.

Мәктәптә дирекция тарафыннан дәресләрдә Сингапурча укыту алымнарын куллануны тикшерү бара.

Бүген соңгы 4 нче чирек укуларын башлап җибәрдек.

18 марттан Республикакүләм  IT-Чемпион конкурсының тагын бер этабы башланып китте.

"Йолдызлык - 2015" конкурсының район этабында катнашучы "Әнисә" бию коллективы, ялгыз җыр башкаручы Локманова Камилә һәм "Чабата" шаян биюе башкаручысы Хамзина Наилә дипломнарга лаек булдылар. Афәрин!

23, 24 март көннәрендә 9 класс укучылары районда математика һәм рус теленнән уздырылган сынап карау имтиханнарында катнаштылар.

Бүген 3 чирекнең соңгы көне мәктәп күләмендә бик күңелле узды:  һәр елгы традицияне саклап, укучылар өчен Нәүрүз бәйрәме оештырылды.