24 сентябрь көнне Меңнәр мәктәбе укучылары көзге экскурсиягә чыктылар.Табигатьнең  сары киемгә  төренгән бу мизгелен күзәтү күңелләргә бер рәхәтлек тә, рухи байлык та бирде. Көз – табигатьнең   иң матур ел фасылы . Карагыз,  нинди генә төсләре  юк  аның!   Экскурсия барышында укучылар   үсемлекләр,  бөҗәкләр  тормышындагы  үзгәрешләрне күзәттеләр, көз турында табышмакларга җаваплар  таптылар.  Укучылар   көзге яфраклардан  букетлар ясадылар. Аннан соң учак ягып, бәрәңге пешерделәр һәм түгәрәк табын янында сыйландылар. Экскурсия бик күңелле булды.Саф һава сулап, басуларны, елгаларны,урманны күзәтеп кайттылар. Күргәннәрне тасвирлап  хикәяләр,иншалар яздылар.