Бүген, бар гомерен Туган илгә, Туган җиргә, милләтебезгә хезмәт итүгә багышлап, ихтирам казанган олпат шәхесебез – Минтимер Шәрип улы Шәймиевның туган көне.   
 Республикабызның иң мөһим тарихи мизгелләре, Татарстанның дәүләт буларак сәяси аренада ныклы урын алуы, уңышлы социаль-икътисадый үсеше, сәнәгать, авыл хуҗалыгы өлкәсендә күп кенә алмаксатларга ирешү – Аның исеме белән бәйле. Шулай ук мәдәни мирасыбызны, гореф-гадәтләребезне, тарихыбызны саклап калуда да Минтимер аганың хезмәте бәяләп бетергесез.       Хөрмәтле Минтимер Шәрип улы! Гомерегезнең дәвамы озын, үткәне кебек үк игелекле, изге, зур эшләргә бай булсын. Һәр туар таң Сезгә куанычлар гына алып килсен. Куйган хезмәтегезнең, кылган яхшылыкларыгызның бәрәкәтен күреп, озын-озак еллар сәламәт булып яшәргә язсын Сезгә!