Бүген 9 класс укучылары математика фәне буенча дәүләт йомгаклау аттестациясен тапшыралар.

Бүген 25 майда мәктәбебездә соңгы кыңгырау яңгырый. Күңелләрдә гомерлеккә уелып калачак шатлыклы да, моңсу да булган бу тантаналы бәйрәмдә иңнәрендә очар канат тойган чыгарылыш сыйныф укучылары мәктәп, укытучылар коллективы белән саубуллаша. Алда – белем буразналарында дистә елдан артык инә белән кое казып гыйлем туплауга исәп-хисап тотып, дәүләт имтиханнарын тапшыру.

Соңгы кыңгырау бәйрәме котлы булсын! Сынауларда тел ачкычы, тапкырлык, зиһенлелек, тәүфыйк юлдаш булып, киләчәктә туплаган гыйлемнәренең файдасын күреп, иминлектә яшәргә язсын.

Укучылар һәм укытучыларның 57 нче район туристик слетында безнең мәктәп укучылары яхшы чыгыш ясады. 3 көн буенча дәвам иткән спорт ярышларында укучылар үзләрен яхшы әзерлекле булуларын күрсәттеләр. "Оринтлашу" ярышында 2 урын, "ККМ"  - 1 урын яуладылар. Һәм гомуми нәтиҗәләр буенча укучылар командасы 2 урынны алды. Стритбол ярышында укучылар 2 урынны яулады. Укучыларны чын күңелдән котлыйбыз. Аларга киләчәктә дә уңышлар, яңадан-яңа җиңүләр насыйп булсын.

15 майдан 18 майга кадәр 2-4 класс укучылары арасында контроль эшләр оештырылды. 2 класста татар теле, 3 класста рус теле, 4 класста математикадан контроль эшләр  һәм 2-4 кл да аңлап укулары тикшерелде.

ККМ буенча команда ярышында укучылар үзләренең осталыкларын күрсәттеләр. Кичке якта стенгазета ясау һәм аны тәкъдим итү булачак. 

Бүген укучылар Байсар урманында 57 туристик слетта катнашалар. Алар спорт ориентлашу ярышында чыгыш ясыйлар. Һәм нәфис сәнгать өлкәсендә үзләренең көчләрен сыныйлар. 

Балаларны яклау көне уңаеннан, мәктәптә укучылар өчен Сабантуй үткәрелде. Табигать кочагында узган бу чарада милли бәйрәмебезнең барлык традицияләре дә сакланды.

Бүген 3-4 класс укучылары тормыш иминлеге нигезләре укытучысы Шәехов Ә.Ә.җитәкчелегендә "Куркынычсыз тәгәрмәч" бәйге-ярышында  чыгыш ясыйлар. "Юл йөрү кагыйдәләре белгеләре", "Велоэстафета", "Велотехника", "Иминият агенты", иң яхшы эмблема, макет һәм стенгазета кебек конкурсларда үзләренең көчләрен сыныйлар. 

Бүген Бөек Ватан сугышында Җиңүгә багышланган җәйге Спартакиадада 7-9 класс укучылары чыгыш ясый. Аларга уңышлар телибез.

Бүген 9 май -  Җиңү көнен билгеләп үттек. Советлар Союзы Герое Хәсән Заманов һәйкәле янында митинг узды. Әлеге митингка сугышта катнашкан ветераннар: Абдуллина Нурфика апа, Тимиров Җирдис абый, Шайхелмарданов Камил абыйлар да катнашты. Укучылар, килгән кунаклар чыгыш ясадылар.