4 март көнне укучылар Тат Суксу мәдәният йортында "Созвездие - Йолдызлык 2015" фестиваленең куст этабында  чыгыш ясадылар.

1-4 класс укучылары һәм класс җитәкчеләре 8 март бәйрәменә әниләргә концерт номерлары күрсәттеләр. Укучылар үзләре ясаган бүләкләрне тапшырдылар  һәм концерт номерларын күрсәттеләр.

Парк һәм скверларның макетын ясау буенча конкурс узды. 

27 февраль көнне Бөек Ватан сугышы ветераннары Тимиров Җирдис абый һәм Абдуллина Нурфика апа белән очрашу үтте. Укучылар һәм укытучылар  концерт номерлары белән чыгыш ясадылар һәм чәчәкләр бүләк иттеләр. Яңадан ветераннарга сүз бирелде. Алар тыныч тормыш матурлыгын тоеп яшәүнең бик кадерле булуын әйттеләр һәм киләчәк буынга имин тормыш, акыл һәм физик саулык теләделәр.

Әлифбада утыз тугыз

Хәрефне без өйрәндек,

Җырлар итеп җырладык та,

Шигырь итеп сөйләдек.

27 февраль көнне 1 класс укучылары “Әлифба” бәйрәмен билгеләп үттеләр. Алар бүген бар хәрефне, авазны укый, тыңлый, яза белә. 

Бүген Күҗәкә төп гомуми белм бирү мәктәбенең 5 укучысы депутат Гильмутдинов И.И. призына чаңгы ярышында катнашалар. Укучыларга әлеге ярышта уңышлар телибез.

6 класс укучылары Бөек Ватан сугышы ветераны Тимиров Җирдис абыйга, ветеран укытучы Ахметханова Мәфкыя апага шефлыкка бардылар. Укучылар кар көрәделәр, бозларын ваттылар, кулдан килгән барысын да эшләделәр. 

Бүген башлангыч класс укучылары "Лучшая проектно-исследователҗская работа среди младших школьников" район конкурсында катнашалар. Укучылар әйләнә-тирә, математика, рус теле буенча проектлар эшләре белән чыгыш ясыйлар.

8 февраль көнне "Лыжня России 2015" чаңгы ярышында мәктәп укучылары да чыгыш ясады. Маликова Юлия  - 1 урын, Садертдинова Миләүшә 3 урынны яуладылар. Укучыларга уңышлар телибез.

"Тынычлык хакына" район конкурсының мәктәп этабында 4 класстан Фазлиева Зәйнәп, Бусыгина Руфинә, Маликова Юлия, 7 класстан Маликова Адиләнең эше иң яхшы дип табылды. Укучыларның үзләренең эше белән райнда чыгыш ясарга әзерләнә.