Безнең мәктәптә тимурчылык эше күп еллар инде эшләп килә. Әлеге чарага 1-9 класс укучыларының барысы да тартылган.  Укучылар төрле акцияләрдә катнашалар.  Өлкән укытучыларны, сугыш ветераннарын бәйрәмнәр белән котлыйлар.

“Өлкәннәр көне” һәм “Укытучылар көне” уңаеннан 6 класс укучылары ветеран укытучылар Мөхәммәтова Зәнфирә апа, Хаҗиев Сәяф абый һәм мәктәптә эшләгән хезмәткәрләр Хаҗиев Равил абый, Валиева Мәкмүнә апаларны бәйрәм белән котладылар.  

 Күҗәкә төп гомуми белем бирү мәктәбе һәм Күҗәкә балалар бакчасында тәрбияләнүчеләр “Ветераннар, Сез безнең горурлык” рәсем конкурсында катнашалар.  Әлеге чара укучыларны рәсем сәнгатенә тарту, аларның зәвыгын үстерү, иҗади талантларын тормышка ашыру өчен оештырылды. 

Ел саен октябрь аенда ветеран укытучыларыбызны “Өлкәннәр көне” һәм “Укытучылар көне” белән котлыйбыз.

Безнең илдә укытучы һөнәре бик зур мәгънәгә ия. Яхшы укытучы укучының күңелендә, йөрәгендә яши. Кешеләрнең кылган гамәлләрендә һәм уйларында алар безгә үрнәк  булып әйләнеп кайта.

Шуның өчен без дә октябрь аен аерым бер дулкынлану белән көтеп алабыз.  Бу көнне без укытучыларбызга хөрмәтебезне тагын бер мәртәбә күрсәтергә ашкынабыз. 

Шул уңайдан бүген мәктәпкә ветеран укытучыларыбызны бәйрәмгә чакырдык.  Озак еллар мәктәп директоры  булып эшләгән Хаҗиев Сәяф абый, татар теле һәм әдәбияты укытучысы Мөхәмәтдинова Зәнфирә апа, башлангыч класс укытучылары Әхмәтханова Мәфкыя апа һәм Мөхәммәтова Җүәйрә апа,  тарих һәм география укытучысы Гомәрова Халидә апа, математика һәм информатика укытучысы Гомәров Фикус абыйлар кунакка килде.  Ветеран укытучыларыбыз өчен укучылар тарафыннан концерт номерлары күрсәтелде.

Бүген 5 класс укучылары математика фәненнән мониторинг үттеләр. 

Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара.

   Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен  татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.

   Хәзерге вакыттагы  карт кешеләрнең ямьле, шатлыклы балачагы булмаган. Аны сугыш тартып алган, ачлык-ялангачлык, ә инде  сугыштан соң хәерчелек.

  Гомерләре буе хезмәттә кайнаган, сугыш  һәм сугыштан соңгы авырлыкларны иңнәрендә күтәргән, колхоз нужасын беренче көннәреннән үк тәртәгә җигелеп тарткан әби-бабаларыбыз картлык көннәрендә зур игътибарга, хөрмәткә лаек.

5 класс укучылары рус теленнән мониторинг үттеләр.  Укучыларга 20 төрле эш бирелде. Анда тест эшләү, белдерү язу, репликалар төзергә тәкъдим ителгән иде.

Корбан гаете, Ислам динендәге башка бәйрәмнәр кебек үк, күркәм эшләр кылуны, рухи чисталыкка ирешүне һәм гөнаһларыбызны ярлыкауны гәүдәләндерә. Әлеге бәйрәм бигрәк тә авыруларга, бәла-казаларга юлыккан мөселман кардәшләребезгә, олы буын вәкилләренә, ятимнәр һәм мохтаҗларга битараф калмаска, аларга игътибар илә ихтирам күрсәтергә чакыра. Тормышта, матди байлыктан бигрәк, якыннарыңның, туганнарыңның игътибары һәм җылы мөгамәләсе күпкә кыйммәтрәк булуын искәртә. 

Аллаһы Сөбхәнәһү вә Тәгалә һәрбарчабызга да күңел тынычлыгы, иман байлыгы, бәрәкәтле озын гомерләр насыйп әйләсә иде. Кылган догаларыбызны, изгелекләребезне биргән садакаларыбызны һәм дә инде чалган корбаннарыбызны кабуллардан кылып, калебләребезне бәйләп, мөселман өммәтен берләштерсә иде.

27 сентябрь көнне традицион спорт ярышы "Милли кросс - 2015" чарасы үтте. әлеге чара да мәктәп укучылары һәм укытучылары да катнашты.

Бүген Күҗәкә төп гомуми белем бирү мәктәбендә укучылар бөтенрәсәй фән олимпиадасының мәктәп этабында катнашалар. 4-9 класс укучылары математика фәненнән олимпиада биремнәрен эшлиләр.  4-7 класс укучыларына 1 сәгать 30 минут, 8-9 классларга 2 сәгать 30 минут вакыт бирелә.