Киров урта мәктәбе укучылары Югары Яхшый авылында гомер итуче, шушы көннәрдә 100 яшен каршылаучы, сугыш ветераны- Вәлиев Тәфкил Вәли улында кунакта булдылар. Телевидение аша өлкәнебез хакында тапшыру карасак та, аның үзе белән  кузгә-куз очрашып аралашасы килде. Жирлек башлыгы Илнур Хиражетдин улы, тәрбия завучы Зарима Җиһангирова да ярдәмгә килделәр. Алдан өлкәнебезнең хәлләрен белешеп куйдылар. Зур рәхмәт аларга!   Үзебезгә  дә, укучыларга да олы тәрбия чарасы булды. Бер очрашу, үзе бер гомер бит ул. Тәфкил абый узенен гомер йомгагын балаларга аңлаешлы итеп, бер ялгышмыйча  сүтте. Һәрвакыт изгелек юлында булып, мәчет салдырып, анда имам-хатип булган, җитәкче урыннарда эшләгән , үзебезнең Киров авылында да эшләп киткэн аксакал ул. Аның белән байтак сөйләшеп утырдык. Һәр җөмләсендә акыллылык, җылылык, тәрбиялелек бөркелеп тора. Укучылар үзләренең алып килгэн җырларын бүләк иттеләр. Сорауларына, җавап таптылар. Тәфкил абыйны тәрбияләүче Зөһрә апа да ачык, киң күңелле, ихата, өй эчләре тәртиптә. Чисталык бөркелеп тора. Тәфкил абыйга исәнлек-саулык теләп, киләсе очрашулар насыйп итсен дигән теләктә саубуллаштык. Безне тәрәзәдән карап, изге теләкләр теләп озатып калды. Озын гомер, сәламәтлек сиңа, Тәфкил абый!