3 октябрь көнне мәктәбебездә Өлкәннәр һәм Укытучылар көне уңаеннан укучылар тарафыннан бәйрәм концерты оештырылды. Чарага хәзерге кондә лаеклы ялда булган укытучылар, техник хезмәткәрләр дә катнашты. Бәйрәм чәй табыны артында дәвам итте.

1 октябрь - Өлкәннәр көне. Шул уңайдан мәктәбебез укучылары Пучы авылында урнашкан Картлар йортына бардылар.  Өлкәннәребезнең күңелләрен күреп, бәйрәм концерты куйдылар. 

21 сентябрь көнне мәктәбебез укучылары  Сәламәтлек көненә - табигатькә сәяхәт кылдылар.  Шунда ук алар җыелма отрядларның җәйге чорда эшләгән эшләренә нәтиҗә ясадылар. Учак ягып, күңелле уеннар уйнап, рәхәтләнеп ял иттеләр.

Республикакүләм "Экстремизмга-Юк!" айлыгы кысаларында мәктәбебездә аерым план нигезендә эш башкарыла. Класс сәгатьләре, төрле очрашулар, ачык чаралар. Ә менә 18 сентябрь көнне мәктәбебездә  эвакуация оештырылды. Бу аңлату, оештыру эшләре укучыларның, укытучы-техник хезмәткәрләрнең иминлеге өчен уздырылды..

17 сентябрь көнне мәктәбебездә Укучыларның гомуми җыелышы узды. Укучылар кагыйдәләре, хокук-бурычлары искә төшерелде. Яңа уку елына яңа состав сайланды.

Көз - үзенең муллыгы, байлыгы белән аерылып торучы ел фасылы ул. Бакчаларда быел бигрәк барлык җиләк- җимешләр, яшелчәләр мул булды, күкрәп үсте. 7-9 сентябрь көннзре мәктәбебездә бакчадагы уңышларны җыеп алу көне итеп оештырылды. Укучылар өмәдә бик теләп катнашылар.

6 сентябрь көнне мәктәбебездә Мәрхәмәтлелек ярминкәсе  үтте. Барлык класс укучылары да актив катнашты.

Менә тагын җәйләр узып, сагынып көтеп алган 1сентябрь - Белем бәйрәме килеп җитте. Бу көнне һәрберебез дулкынланып, шатланып каршы ала: беренче тапкыр мәктәпкә баручы да, өлкән сыйныфларда укучы да, әти-әниләр дә. Быелгы уку елына  мәктәбебездә - 1сыйныфка 15 сабый укырга керә. Класс җитәкчеләре- Сәмигуллина Ф.И. Гомуми укучылар саны-103. Хәерле, имин еллар булсын. Барыгызны да бәйрәм белән!

9 Май-Җиңү көне! Шул уңайдан әзерлек максатыннан мәктәбебезнең 7-8 класс укучылары Җиңү паркын чистарту, тәртипкә китерү өмәсендә катнаштылар.

"Тамчы " балалар бакчасы коллективы балалар белән авылыбызның тыл ветераннарында булдылар. Хәлләрен белеп, бәйрәм тантанасына чакырып кайттылар.