14 ноябрь көне- мәктәбебездә Лидерлар көне дип игълан ителде. Шул уңайдан 7-11 класс укучылары өчен чара уздырылды. Биш командадан торган группа проект эшләре яклады, уеннар уйнады. Үзләренә кирәкле мәгълүматлар алды.

Бу көннәрдә мәктәбебез тавышсыз гына гөҗләгән умарта оясын хәтерләтә. Кемдер "Дус класс серләре" бәйгесенә, кемдер Әниләр бәйрәменә әзерләнә, кемдер ОГЭ, ЕГЭ дип җан ата, кемдер район олимпиадаларыннан кайтып керми. Бар өлкәдә дә уңышларыбыз булсын!

31-2 ноябрь көннәрендә районыбызда Җитәкчеләр мәктәбе эшләде. Безнең мәктәптән дә бу укуда катнашкан укучылар булды. Төрле темаларга проект эшләре яклап, төрле уен формалары өйрәнеп белемнәрен туплап кайттылар алар.

31 октябрьдән 6 ноябрьгә кадәр мәктәптә "Урманай" ял һәм сәламәтләндерү лагере эшли. Укучыларыбыз бу лагерьга бик яратып йөриләр. Олимпиадага, БДИ на әзерләнәләр. Ашханәдә тәмле ризыклар белән тукланалар. 

26 октябрь көнне мәктәпнең гомуми ата-аналар җыелышы үтте. Җыелышта Минзәлә Җәзаларны үтәтү инспекторы Айнур Хафизов,  Яр Чаллы эпидемиология үзәгенең Актаныш районы буенча җитәкчесе Хафизова Луиза Махиян кызы, авылыбыз фельдшеры Фатыйхова Люция Мирсәет кызы, ата-аналар, укытучылар катнашты. Җыелыш эшлекле, тәрбияви төстә үтте.

18 октябрь көнне районда "Көз кызы" бәйгесе үтте.  Мәктәбебезнең 7 класс укучысы Хузина Азилә катнашты бу бәйгедә. уңышлы чыгыш ясап "Нәфислек, Милли рух" ногминациясендә җиңүче булды.

17 октябрь көнне мәктәбебездә 5-11 классларның Көзге бал бәйрәме үтте. Укучылар тулы әзерлек белән катнаштылар. Көз патшасы таҗын Шайгарданов Булат киде. Шулай ук иң күп миләш җыючы, алдынгы укучыларны тәбрикләү дә булды.  Ахырда бәйрәмне укучылар классларында чәй табынында дәвам иттеләр.

10 октябрь көнне укучыларыбыз Заһитова И.И., Җиһангирова Н.М. җитәкчелегендә Пучы авылында урнашкан Картлар йортына концерт  белән бардылар. Өлкәннәребезнең күңелен күтәреп, яшәргә көч өстәп , хәлләрен белеп кайттылар.

7 октябрь көнне авылыбыз мәдәният йортында Данил Салиховның 60 яшьлек иҗат бәйрәме үтте. Татарстан Язучылар берлеге рәисен котларга барлык авылдашлар, укучылар, укытучылар, райондашлар, хезмәттәшләре, туганнары килгән иде. Кичә бик җылы мөгамәләдә узды. Укучыларга олы тәрбия чарасы да булды.

5 октябрь көнне район мәдәният йортында Укытучыларыбызны хөрмәтләү тантанасы булды. Тантана алдыннан фое залында мәктәпләрнең Укытучылар көне уңаеннан әзерләнгән баннер бәйгесенә нәтиҗәләр ясалды. Мәктәбебез 3 урынга ия булды.