5 март көнне Балалар иҗат үзәге бинасында укучылар инглиз телендә театр курсәттеләр. Безнең укучыларыбыз да уңышлы чыгыш ясап, номинациядә җиңүче булдылар.

4 март көнне "Тамчы"балалар бакчасында Ата-аналар җыелышы узды. Җыелышта ата-аналар һәм мәктәп директоры Магданов А.Х. та катнашты. Бакчаның яшәеше, алга куелган максат һәм бурычлар турында сүз барды. Икенче көн тәртибендә нәниләребез әти-әниләренә үзләренең бәйрәм сәламен тапшырдылар.

3 март көнне мәктәбебездә "Ягез әле, кызлар!" бәйгесе узды. Быел үзенчәлекле итеп, спорт залында кызларыбызны төрле яклап сынап карадык. Концерт номеры белән үрелеп барган бу бәйрәм һәркемгә дә бик ошады.

2 март көнне районыбызда укучылар арасында "Мин-булачак эшмәкәр" район бәйгесе узды. Мәктәбебездән Мирхайдарова Айсылу уңышлы чыгыш ясады.

Октябрь аенда узачак "Укытучыма" дип исемләнгән конференциягә әзерлек эшләре башланып китте. Мәктәп тарихы, авыл тарихы яңартыла. фотолар белән баетыла. 

28 февраль көнне җирлегебездә Татарстан Республикасының атказанган икътисадчысы Нургалиев Миргазиян Нургали улы истәлегегә теннис ярышы узды. Мәктәбебез укучылары да бик теләп катнаштылар. 

27 февраль көнне мәктәбебездә Муса Җәлилнең 115 еллыгына кичә үткәрелде. Саубанова Алия Алмаз кызы оештырган бу кичә укучылар күңелендә патриот шагыйрьнең үлемсезлеген тагын бер кат ассызыклады. 

21 февраль- Халыкара Туган тел көне. Шул уңайдан мәктәпләрдә, балалар бакчаларында, китапханәләрдә, радио-телевидениеда узучы чаралар шул темага уза.

19 февраль көнне мәктәбебездә "Ягез, әле егетләр!" турниры узды. 7,8,10 класслардан бер команда, 9 класслардан бер команда катнашты. Противогаз кию, бәрәңге әрчү, галстук бәйләү, турникта күтәрелү, гер күтәрү, ату, автомат сүтеп җыю, кыршау аша чыгу кебек бәйгеләрдә катнаштылар. Ярыш ахырында 9 класс егетләре җиңүче исеменә лаек булдылар.