18 гыйнвар көнне районда "Ел укытучысы-2022" бәйгесе татар теле һәм әдәбияты фәне укытучылары арасында үтте. Мәктәбебездән Рашитова Илүсә Салимҗан кызы катнашты һәм уңышлы чыгыш ясады.

19 гыйнвар көнне "Ел укытучысы 2022" бәйгесе дәвам итте. Бу көнне Рус теле һәм әдәбияты фәне укытучылары көч сынаштылар. Мәктәбебездән Галиева Рәмилә Әмирҗан кызы  катнашты.

20 гыйнвар көнне Яр Чаллы Татар кино студиясе Ленинград блокадасы турында "Крик тишины" киносы белән мәктәпкә килде. Барлык укучыларыбыз да бик теләп бу киноны карады.

3 февраль көнне Пучы кустында "Йолдызлык" бәйгесенең муниципаль этабы узачак. Шул уңайдан мәктәбебездә әзерлек эшләре бара. Укучыларыбыз яңа җыр, бию, шигырьләр өйрәнәләр. 

Ата-аналарның мәктәп белән, укучыларның туклануы белән кызыксынуы бик уңай күренеш. Мәктәбебездә атнага бер тапкыр график нигезендә ата-аналар контроле уза. Килгән продукциянең сыйфаты, пешерү технологиясе, өстәл культурасына да игътибарлы алар.

19 гыйнвар көнне районыбызда "Ел башлангыч класс укытучысы" бәйгесе узды. Мәктәбебездән Набиева Голнара Флүн кызы бу бәйгедә катнашты. Дәрес, мастер класс номинацияләрен уңышлы узды. 

17 гыйнвар көнне Республика балалар хәрәкәте юнәлеше буенча онлайн "Иң кирәкле дәрес" оештырылды. Ул Экология юнәлеше буенча узды.биредә 5-6 класс укучылары катнашты.

15 гыйнвар көнне Алабуга шәһәрендә Точка роста юнәлеше буенча онлайн Россиякүләм фәнни-практик конференция узды. Укытучыларыбыз- Хафизова Р.Ф., Амирова Р.З.бу конференциядә катнаштылар.

27 декабрь көнне мәктәбебездә укучыларның Яңа ел бәйрәмнәре узды. Башлангыч классларда "Чыршы бәйрәме", 5-11 классларда- "Балмаскарад" бәйрәме бик күңелле уздырылды.

Рус әдәбиятыннан район олимпиадасында укучыбыз Мирзагитова Юлия - җиңүче булды. Укытучысы- Мирзаһитова Рания Тәмимдар кызы. Котлыйбыз!