Бүгенннән бакчабызда өч төркемдә дә эшчәнлекләр башланып китте. Җәйге ялга туктаган балаларыбыз белән бергә беренче тапкыр бакчага килүче нәниләребезне дә кабул иттек. Дөньялар имин, күкләребез аяз булып, тыныч күлелләр белән эшләргә насип булсын. Нәниләребез сау-сәламәт булып, шат авазлары яңгырап торсын. Хәерле сәгатьтә булсын!

һәр ел фасылының үз матурлыгы. Җәй - көз айларында  "Тамчы" бакчабыз чәчәккә күмелә, яшелчә-җимеш бакчаларында яшелчә һәм җиләк җимешләр өлгерә. Бакчабызда узган сәламәтлек  атналыгы уңаеннан тәкъдим ителгән  күргәзмәдә,  балаларыбыз "Алма һәм алма корты" дип исемләнгән тематика буенча эшләделәр.

Рәсәй әләме көне уңаеннан, бүген  катнаш уртанчылар һәм зурлар төркеме балалары кул хезмәте  белән шөгыльләнделәр. Үз куллары белән ясаган әләмнәрне горурланып өйләренә күтәреп кайту максаты белән көндезге йокыга талдылар. Илләребез имин булып, әләмнәребез тынычлык теләп җилфердәп торсыннар.

Балаларыбызның иң яраткан шөгыльләре - рәсемләү. Төркемдә дә, уен мәйданчыгында да балаларыбыз бик теләп рәсем ясыйлар. Бүген дә алар бакча хезмәткәрләренә һәм әти-әниләргә "күңел җылысын" бүләк иттеләр. 

Авыл тарихы белән тирәнрәк танышу максатыннан мәдәният йортында булдык. Нәниләребез өчен бик күп яңалыклар ачтык. Максатыбыз: авыл тарихы, авыл тормышы белән тирәнрәк танышу.  Нәниләребездә бакча яшеннән үк авылыбызга карата хөрмәт тәрбияләү.

Без яңа уку елына әзер. Хәерле, имин еллар булсын!

Җәй айларында саф һавада табигатьне, кошларны, җәнлекләрне һәм бөҗәкләрне балалалр аеруча кызыксынып күзәтәләр. һәр бала аерым шәхес. һәрбересе үзенчә нәтиҗә ясый. Тәрбияче апалары белемнәрне тирәнәйтеп, балаларның күзаллауларын үстерү өстендә даими эш алып бара. Йомгаклап, балалар белән уеннар уйнап, хәтерләрен ныгыту максатыннан, аерым очракларда  кул эшләре  оештырыла. 

Җәйге чорда, яңа уку елына әзерлек максатыннан, бакчабызда ремонт эшләре дә уздырдык. 

Бакчага йөрүче балаларыбызның иң яраткан шөгыле - тәҗрибә мәйданчыгындагы үсемлекләрне күзәтү, аларны  тәмле су белән "сыйлау", төпләрен йомшарту. Балалар янәшә булгач үсемлекләргә дә "җан" керә.

Җәй айларында һава торышына карап балалар белән бакчабыз чәчәклегендә еш булабыз. Чәчәкләрне күзәтеп, төпләрен йомшартып торабыз. Хезмәт эшчәнлегенә дә мәхәббәт очкыннары  кечкенәдән салыну бик тә мөһим.