5 октябрь көнне Казан Аграр иститут галимнәре белән зум аша дәрес күрсәтелде. 6-11 класс укучылары катнашында бу дәрес бик файдалы, кирәкле, тормышчан узды.

Өлкәннәр көне уңаеннан бакчабызда эшләп лаеклы ялга чыккан 7 хезмәттәшебезнең өйләрендә булып, күчтәнәч каплары өләштек. Бәйрәм белән тәбрик итеп, хәлләрен белештек.

18-23.09 атнасында ЮХИДИ тарафыннан уздырылган атналыкта укучыларыбыз актив катнашты. Район ЮХИДИ хезмәткәре Ләйсән Радифовна очрашу уздырды. 21 сентябрь көнне Ата-аналар җыелышында район ГАИ җитәкчесе Ренат Радик улы катнашты.22 сетябрь көнне 1-4 класслар өчен "Хәвефсез тәгәрмәч" бәйгесе узды.

Узган атнада район  МЧС хезмәткәре Илгиз Айрат улы укучылар белән очрашуга килде. Янгын куркынычсызлыгы буенча киңәшләр, беренче ярдәм күрсәтү, ут сүндергеч белән ничек куллану хакында төпле киңәшләрен бирде.

Бакчада көзге эшләр кайный. Укучылар тырышып кара миләш җыйдылар. Бәрәңге алу, кызыл чөгендер, кишерләрне җыеп подвалга керттеләр. Теплицада туфрак алмаштыру, гөлләр утырту эшләре башкарылды.

Бүген бакчабызда ата-аналарның гомуми җыелышы узды. Ата-аналарны яңа уку елына алынган проблемалар, максат бурычлар белән таныштырып уздык.  Эш  режимы һәм ата-аналар түләве буенча сөйләшүләр алып бардык. Мөдир Л.С.Гайнанова "Тәрбия өлкәсе" исеме астында чыгыш ясады. Ата-аналар комитеты ббилгеләнде. 

Бүген бакчабызда узган юхиди атналыгына йомгак ясалды. 

Россиякүләм йөгерешчеләр көне уңаеннан  балалар белән стадионда булдык. Йөгерү буенча игълан ителгән бәйгеләрдә  нәниләребез биек теләп катнаштылар. Йөгерү буенча иң җитез Гаделдән әз генә калышучылар да бик күп иде. Афәрин балалар! 

Бүген бааларның сәламәтлеген ныгыту, җитезлекләрен арттыру максатыннан, балалар мәйданчыгында көзге спорт уеннары оештырдык. Балалар уеннарда бик теләп катнаштылар.

Төркемнәрдә тулы көченә эшчәнлекләр башланып китте. Тәрбияче апалар нәниләребезнең бакчада узган һәр минутын файдалы итеп уздыра. Шөгыль эшчәнлдекләрен дә, ял минутларын да балалар көтеп алалалр.  Бүгенге чор балаларнының  таләплоәре дә заманча. Яңа технологияләргә нигезләнеп ясалган уенчыкларны да алар бик оста кулланалар.