"Новогодние чудеса" район бәйгесендә Бадретдинова Гөльнур 7класс укучысы 1 урынга (җитәкчесе Гаянова Й.З.), Ганиева Исламия 3 класс укучысы 3 урынга (җитәкчесе Шарифянова Д.М.) ия булдылар. Аларны чын күңелдән котлыйбыз. Киләчәктә дә уңышлар теләп калабыз.

Мәктәптә II чирек йомгакларына багышланган педагогик киңәшмә узды.
Директор Гарипов Даниал Дәниф улы мәктәптә  алып барылган укыту-тәрбия, II чирек нәтиҗәләренә, укытучыларның куелган хезмәтенә анализ ясады. Киңәшмәдә тәрбия эшләре буенча урынбасар Җигангирова Наилә Мисһәт кызы -тәрбия юнәлешендә алып барылган эшчәнлек;  директорның укыту эшләре буенча урынбасары Хәбирова Ләйлә Фарис кызы өлгереш сыйфаты белән таныштырды. 2025 ел - Татарстанда һәм Россиядә Ватанны саклаучылар елы. Әлеге юнәлештә башкарылган эшчәнлек киләсе елда да дәвамлы булачак.

Бүген "Тамчы" балалар бакчасы коллективы, башка оешмалар белән берлектә, яңа ел тамашасында катнаштык

Бүген төркемнәрдә яңа ел иртәләре узды. Балалр белән җыр, бию, күңел ачу өчен кыш бабай бнелән янәшә әкият геройлары да килде. Хәерле, имин еллар килсен!

Актаныш районы хакимиятендә балаларның коррупциягә каршы көрәш конкурсында җиңүчеләрне котлау тантанасы узды. Ул үсеп килүче буын арасында намуслылык һәм намуслылык тәрбияләүдә мөһим адым булды. Чарада 44 яшь катнашучы, шул исәптән Киров  мәктәбенең 4 класс укучысы Камалова Нурия рәсем бәйгесендә 1 урынга ия булды.Ул  истәлекле бүләк һәм диплом белән бүләкләнде. Укытучысы Шайгарданова З.А.Аларны чын күңелдән котлыйбыз

Татар теле олимпиадасының муниципаль этабында 4 класс укучылары Камалова Нурия һәм Агазова Рәмзия,6 класстан  Сагбетдинова Юлианна,Сабирова Чулпан,Ибраһимова Азалия,Исламова Әминәләр  призер булдылар.Котлыйбыз.Укытучылары Шайгарданова З.А. һәм Рашитова И.С.

Киров урта мәктәбенең 10 класс укучысы Бутаков Максим хезмәт фәне буенча призер булды.Чын күңелдзн котлыйбыз.Укытучысы Туктаров Булат Роберт улы.

 Байсар мәктәбендә татарстан Республикасының халык язучысы, якташыбыз Вахит Имамовның иҗатын өйрәнүгә багышланган конференция булып. Әлеге чарага КФУ профессоры Әлфәт Закирҗанов, Язучылар берлеге рәисе урынбасары Ләбибә Ихсанова, Марсель Галиев, Факил Сафин, Лилия Гыйбадуллина кебек күренекле язучылар да килде. Язучы В.Имамов рәислегендә узган бәйгедә мәктәбебезнең 6 класс укучысы Рашитова Мәдинә 4 урын яулады. Чын күңелдән котлыйбыз!Укытучысы Рашитова И.С.

Киров мәдәният йортында  Әниләр көне уңаеннан "Әнкәй тормыш бизәге" исемендәге кичә булып узды.

Олимпиадалар дәвам итә.Рус теле буенча Бөтенроссия муниципаль этабында 6 класс укучысы Ибраһимова Азалия һәм 10 класс укучысы Шакирова Мәликәләр  призер булдылар.Укытучылары Мирзагитова Рания Тәмимдаровна.Котлыйбыз!!!