Бүген мәктәптә   5- 11 класслар арасында Билгесез солдат көненә багышланган класс сәгате үткәрелде.  Тарих укытучысы Р. А. Галиева укучыларны дата тарихы белән таныштырды, презентация аша бик күп мәгълүмат бирде.

  1 нче декабрь көнне авыл мәдәният йортында гомуми ата - аналар җыелышы үтте. Җыелышка балигъ булмаган балалар белән эшләүче инспектор  Хакимуллин Р.  чакырылган иде, ул "Яшүсмерләр арасында хокук бозуларны булдырмау" темасы буенча чыгыш ясады. Мәктәпнең укыту эшләре буенча директор урынбасары Багауова Л. 1 нче чирек нәтиҗәләре белән таныштырды.  " Актаныш" агрофирмасының Киров бүлеге җтәкчесе И. Ф.Гаяновның чыгышы булды. Соңыннан укучылар тарафыннан әниләр көненә багышланган концерт күрсәтелде. 

1 декабрь - Бөтендөнья СПИДка каршы көрәш көне уңаеннан мәктәптә китапханәче Сабирова Л. Х. "СПИД - гасыр бәласе" темасы буенча чыгыш ясады. 

28 нче ноябрь көнне география һәм тарих фәннәренә бәйләп "Белем үрләренә үрмәләп" дигән тема буенча кичә үикәрелде. Әлеге кичәдә җиңүчеләр:

Башаров А. (9 кл) - 1 урын, Фардиев Ш.(8 кл) - 1 урын, Халимов Д (9 кл) - 2 урын, Гиздуллина Н. (8 кл) - 3 урын. Кичәне әзерләделәр һәм үткәрделәр : Р. Ф. Хафизова (география укытучысы), Р. А. Галиева (тарих укытучысы). Кичә эчтәлекле итеп оештырылган иде.

Бөек Җиңүнең 70 еллыгын каршылап үткәрелүче чараларда, башлангыч сыйныф укучылары актив катнашалар. 

1, 2 сыйныф укучылары сугыш чоры баш киемнәре макетлары ясау белән шөгыльләнәләр, ә 3, 4 сыйныфлар "Хәрбиләр сүзлеге" төзиләр. Эзләнүләрдә укытучылар, китапханәчеләр зур ярдәм итә. Шулай ук интернет чыганакларыннан да файдаланалар. 

Бүген районда үткәреләчәк тарих фәненнән олимпиадада безнең мәктәптән өч укучы катнаша. Аларга уңышлар теләп калабыз! 

25 ноябрь көнне районда 4 - 11 класслар арасында математикадан олимпиада үткәрелде. Безнең мәктәптән 8 класс укучысы Сибгатуллин Искәндәр - 4 урын (Укытучысы: Якиева Г. Н), 4 класс укучысы Имамов Нияз (Укытучысы: Сәмигуллина Ф. И.) - 6 урыннарны яуладылар. Афәрин! 

26 ноябрь көнне 5 - 9 класслар арасында географик уен - конкурс үткәрелде. Фәнне иң күп белүчеләр билгеләнде: Башаров А. Г. (9 кл), Фардиев Ш.(8 кл), Сибгатуллин И. (8 кл). Чараны география укытучысы Резеда Фердинантовна үткәрде. 

Бүген тарих, география атналыгы кысаларында тарих укытучысы Р. Ә. Галиева 6 - 11 класслар өчен класс сәгате уздырды. Ул Беренче бөтендөнья сугышы башлануга 100 ел тулуга багышланган иде һәм укучыларда зур кызыксыну уятты.

Бүген мәктәптә француз теленнән олимпиада үткәрелә. Катнашкан укучыларга уңышлар телибез.