Татарстан Республикасы Мәгариф һәм фән министрлыгының 2014-2015 нче уку елы планы нигезендә укытучылар өчен Республикакүләм Гамил Афзал укулары уздырыла.  Апрель аеннан май аена кадәр дәвам иткән фәнни-эзләнү укуларына 318 эш кабул ителде. Укытучыларның фәнни-эзләнү эшләре филология һәм мәдәниятара багланышлар  институты Казан (Идел буе) федераль университеты галимнәре тарафыннан тикшерелде,  тиешле таләпләргә җавап биргән 93  эш игътибарга  лаек дип табылды.
Бәйгедә җиңүче укытучылар 2015 нче елның 16 нчы маенда Республикакүләм Гамил Афзал укуларында  чыгыш ясарга чакырыла.
Чыгыш ясау вакыты - 5 минут, дискуссия - 2 минутка кадәр (мастер-класслар өчен чыгыш ясау вакыты - 10 минут).
Чыгышлардан соң урыннар билгеләнә һәм бүләкләү тантанасы үткәрелә.
Укытучылар өчен Республикакүләм Гамил Афзал укулары 2015 нчы елның 16 нчы маенда  9.00 сәгатьтә Актаныш авылы «Сәләтле балалар өчен гуманитар гимназия - интернат» дәүләт автономияле гомумбелем учреждениесе (Аэропорт урамы,  3а йорты) башлана. Килгән кунакларны теркәү  8.00 – 8.50 сәгатьтә.
Мөрәҗәгать итү өчен адрес: 423740, Актаныш авылы, Аэропорт  урамы, 3а йорты, тел.3-26-05, электрон адрес: venerahaeva@yandex.ru.

 Исемлек белән танышырга...