“Балаларга юл йөрү кагыйдәләрен өйрәтү” кабинетын ачу “Светофор” отряды яшь инспекторларының музыкаль чыгышы белән башланды. Инспекторлар юл хәрәкәте иминлеге кагыйдәләрен янәдән бер кат искә төшерделәр.
Укучыларның рәсем бәйгесенә дә әлеге тантанада нәтиҗә ясалды. Юл хәрәкәте иминлеге” дәүләт учреждениесенең Чаллы шәһәрендәге территориаль идарәсе профилактика бүлеге җитәкчесе Резеда Рәҗәп кызы Гыйльметдинова һәм гимназиябез директоры Венера Хәмәтнәсыйх кызы Хәева-Хәмәтҗанова җиңүчеләрне игълан иттеләр.
“Балаларга юл йөрү кагыйдәләрен өйрәтү” кабинеты балаларны урамда һәм юлда куркынычсыз тәртип нигезләренә өйрәтүнең заманча таләпләренә туры китереп җиһазландырылган. Стеналардагы стендлардан һәм башка күзаллау әсбапларыннан тыш, анда “Күңелле светофор” юл хәрәкәте кагыйдәләре буенча укыту комплексы, “Юл хәрәкәте әлифбасы” ике яклы магнит-маркер тактасы, идән-өстәл уеннары, транспорт һәм җәяүлеләр светофорының электрлаштырылган моделе бар. Юл ситуациясен модельләштерүдә, уен формасында үткәрелгән дәресләрнең эчтәлеген тәэмин итүдә алар - иң нәтиҗәле ысуллар булып тора. Кабинет җиһазлары балалар белән тематик дәресләр үткәргәндә күп кенә ситуацияләрне чишәргә мөмкинлек бирәчәк. Урамда һәм юлда дөрес тәртип күнекмәләрен ныгытачак.
Заманча җиһазландырылган кабинетны ачудагы ярдәмнәре өчен гимназиябез директоры Венера Хәмәтнәсыйх кызы Актаныш районы башкарма комитеты җитәкчесенең социаль мәсьәләләр буенча урынбасары Дилбәр Миркасыйм кызы Әнвәрова, “Юл хәрәкәте иминлеге” дәүләт учреждениесенең Чаллы шәһәрендәге территориаль идарәсе профилактика бүлеге җитәкчесе Резеда Рәҗәп кызы Гыйльметдинова, Актаныш районы буенча ЮХИДИ профилактика бүлеге җитәкчесе Ләйсән Рәзиф кызы Мөхәммәтовага рәхмәт белдерде.
“Юл хәрәкәте иминлеге” дәүләт учреждениесенең Чаллы шәһәрендәге территориаль идарәсе профилактика бүлеге җитәкчесе Резеда Рәҗәп кызы педогог-оештыручылар Миләүшә Рәдис кызы Аграпова һәм Алсу Мирзамәхмүт кызы Хафизовага Рәхмәт хатлары тапшырды.