Гимназиябездә I чирек йомгакларына багышланган педагогик киңәшмә узды.
Гимназиябез директоры Венера Хәмәтнәсыйх кызы Хәева-Хәмәтҗанова гимназиябездә алып барылган укыту-тәрбия, I чирек нәтиҗәләренә, укытучыларның куелган хезмәтенә анализ ясады. Коллективка, укытучылар, тәрбиячеләр эшчәнлегенә, укыту программасына кертелгән яңалыкларны гамәлгә кертүдә урынбасарларның юнәлешле чыгышлары тыңланды.
Киңәшмәдә директорның укыту эшләре буенча урынбасары Рәйхан Флүс кызы Галимҗанова – өлгереш сыйфаты, методик-инновацион эшчәнлек буенча урынбасар Юлия Валентиновна Әмирҗанова – олимпиада нәтиҗәләре, тәрбия эшләре буенча урынбасар Ленар Зөфәк улы Шәвәлиев һәм директорның тәрбия буенча киңәшчесе Салават Мөҗәһит улы Котлыяров -
тәрбия юнәлешендә алып барылган эшчәнлек, цифрлаштыру буенча директор урынбасары Ленар Наил улы Хөсәенов мәгълүматлаштыру буенча эшчәнлек белән таныштырды.
Киңәшмә эшендә Актаныш районы башлыгы Ленар Рафак улы Зарипов катнашты. Ленар Рафак улы үзенең фикерләре белән дә уртаклашты. Бүгенге вәзгыятькә нигезләнгән киңәшләрен бирде. Укучыларны тәрбияләүдә, патриотик эшчәнлектә "Алдынгылар хәрәкәте"нең актив эшчәнлеген күрергә теләвен ассызыклады. Белем һәм тәрбия сыйфатын күтәрү белән беррәттән, укучыларның психологик халәтенә, аларның үз-үзләрен тотышларына да һәрдаим игътибар итү кирәк дигән фикерен белдерде. 2024 ел - Татарстанда фәнни-технологик үсеш елы булачагын искәртеп, әлеге юнәлештә башкарылачак чараларны да алдан ук эш планына кертергә киңәш итте.