Агымдагы елда гимназиянең барлык укучылары да цифрлы икътисад чорында оста кадрлар булыр өчен талəп ителə торган күнекмəлəрне үзлəштерəчəк. Мондый масштаблы максатка ирешер өчен гуманитар гимназия-интернатта татар галиме Бəшир Рəмиев исемен йөртə торган уку-укыту IT-лабораториясе булдырылды. Хəзер анда 8 төрле түгəрəк эшли.
Түгəрəклəргə йөрүче укучылар Python һəм Java программалаштыру теллəрен, VR проектлар ясау нигезлəрен, 3D-модельлəштерү һəм анимация дəреслəрен өйрəнə. Балаларга Scratch, Web-программалаштыру, робототехника һəм мəгълүмати куркынычсызлык дəреслəре дə тəкъдим ителə.
Лабораториядə белем бирүче укытучыларыбыз җəй көнендə белемнəрен тагын бер кат ныгытты, яңа уку елына əзерлəнде. Информатика һəм математика кабинетларында яңа дизайн белəн ремонт ясалды. Яңа җиһазланыш та тиздəн кайтып җитəчəк.
IT-лаборатория эшчəнлегенең тагын бер кызыклы ягы шунда ки, ул районыбызның барлык балалары өчен дə ачык. Актанышның 1 һəм 2 санлы урта мəктəплəрендə белем алучылар өчен лаборатория түгəрəклəре «Бүлəк» кампусы базасында оештырыла. Андагы укучылар Python телен, 3D-модельлəштерү, VR һəм анимация нигезлəрен үзлəштерə.
«Rameev» уку-укыту IT-лабораториясе Россия Мəгариф министрлыгы гранты хисабына финанслана.